కొనచూపులనె వింతకోరికలు దైవార
(॥పల్లవి॥)
కొనచూపులనె వింతకోరికలు దైవార
పెనగొన్న తమకములఁ బెనఁగు టెన్నఁడురా
(॥కొన॥)
కమ్మ కస్తూరితావి కప్పురపువాసనల-
తమ్ములము నోరిలోఁ దగఁ గులికి కులికి
ఉమ్మగింతల రతులనుడివోని వేడుకల
ఇమ్ములను గడి సుఖియించు టెన్నఁడురా
(॥కొన॥)
బిగువుఁ గౌఁగిటఁ జేర్చి బిత్తరపుఁ జూపులను
నగవు దేరఁగ మనసు నాఁటించి మించి
మొగము మొగమునఁజేర్చి ముద్దుమాటలను నునుఁ-
బగడవాతెర గదలఁ బలుకు టెన్నఁడురా
(॥కొన॥)
కడు మోహమున సిగ్గు గదియు టెన్నఁడు లేక
యెడలేని కూటముల యెచ్చరిక లేక
విడువకిటువలెనె తిరువేంకటేశుఁడ నీవు
వడిఁదలఁచి నాకడకు వచ్చుటెన్నఁడురా
(||pallavi||)
kŏnasūbulanĕ viṁtagorigalu daivāra
pĕnagŏnna tamagamulam̐ bĕnam̐gu ṭĕnnam̐ḍurā
(||kŏna||)
kamma kastūridāvi kappurabuvāsanala-
tammulamu norilom̐ dagam̐ guligi kuligi
ummagiṁtala radulanuḍivoni veḍugala
immulanu gaḍi sukhiyiṁchu ṭĕnnam̐ḍurā
(||kŏna||)
biguvum̐ gaum̐giḍam̐ jersi bittarabum̐ jūbulanu
nagavu deram̐ga manasu nām̐ṭiṁchi miṁchi
mŏgamu mŏgamunam̐jersi muddumāḍalanu nunum̐-
bagaḍavādĕra gadalam̐ balugu ṭĕnnam̐ḍurā
(||kŏna||)
kaḍu mohamuna siggu gadiyu ṭĕnnam̐ḍu lega
yĕḍaleni kūḍamula yĕchchariga lega
viḍuvagiḍuvalĕnĕ tiruveṁkaḍeśhum̐ḍa nīvu
vaḍim̐dalam̐si nāgaḍagu vachchuḍĕnnam̐ḍurā