(॥పల్లవి॥)
కొనరో కొనరో మీరు కూరిమిమందు
వునికి మనికి కెల్ల నొక్కటే మందు
(॥కొనరో॥)
ధ్రువుఁడు గొనినమందు తొల్లియుఁ బ్రహ్లాదుఁడు
చవిగాఁ గొనినమందు చల్లనిమందు
భవరోగములు వీడిపారఁగఁ బెద్దలు మున్ను
జవకట్టికొనిన నిచ్చలమైనమందు
(॥కొనరో॥)
నిలచి నారదుఁడు గొనినమందు జనకుఁడు
గెలుపుతోఁ గొని బ్రదికిన యామందు
మొలచి నాలుగుయుగములరాజులు ఘనులు
కలకాలముగొని కడగన్నమందు
(॥కొనరో॥)
అజునకుఁ బరమాయువై యొసగినమందు
నిజమై లోకములెల్ల నిండినమందు
త్రిజగములు నెఱఁగ తిరువేంకటాద్రిపై
ద్వజమెత్తెఁ గోనేటిదరినున్నమందు
(||pallavi||)
kŏnaro kŏnaro mīru kūrimimaṁdu
vunigi manigi kĕlla nŏkkaḍe maṁdu
(||kŏnaro||)
dhruvum̐ḍu gŏninamaṁdu tŏlliyum̐ brahlādum̐ḍu
savigām̐ gŏninamaṁdu sallanimaṁdu
bhavarogamulu vīḍibāram̐gam̐ bĕddalu munnu
javagaṭṭigŏnina nichchalamainamaṁdu
(||kŏnaro||)
nilasi nāradum̐ḍu gŏninamaṁdu janagum̐ḍu
gĕlubudom̐ gŏni bradigina yāmaṁdu
mŏlasi nāluguyugamularājulu ghanulu
kalagālamugŏni kaḍagannamaṁdu
(||kŏnaro||)
ajunagum̐ baramāyuvai yŏsaginamaṁdu
nijamai logamulĕlla niṁḍinamaṁdu
trijagamulu nĕṟam̐ga tiruveṁkaḍādribai
dvajamĕttĕm̐ goneḍidarinunnamaṁdu