కొమ్మమనసు దెలియరాదు కోరికలరఁ గోనేటి
(॥పల్లవి॥)
కొమ్మమనసు దెలియరాదు కోరికలరఁ గోనేటి
తిమ్మని తలంపులెల్లఁ దెలియ నెవ్వరి వసమురా
(॥కొమ్మ॥)
నిన్నుఁ దలఁచి పులకరించి నెలఁత చలి యటంచుఁజెలుల
కన్ను మొఱఁగి పయ్యద కొంగున కప్పు నొయ్యన దేహము
సన్నపుఁ జెమట నొసలఁ బొడమగన్నులు దేలగిలఁగఁజొక్కుచు
మిన్నక మదన మెత్తె ననుచు మెలుఁత తమ్ముల ముమియ
(॥కొమ్మ॥)
వెక్కసమైన యూపుఁ గముల వెల్లువ లొయ్యన నిలిపి నిలిపి
పుక్కిట నించి గుబ్బలమీఁద పొలయఁ జెమట లార్చును
మిక్కటమైన కన్నులనీరు మెఱుఁగు రెప్పలతుదలనాన
చుక్కలం జూతమనుచు లేచి సుదతిమాయలు నేసును
(॥కొమ్మ॥)
చెక్కిట నీవు సేసినముద్దుల చేఁతలు చెలుల కెల్ల మొఱఁగి
చెక్కునఁజెయి మోపుఁకొనుచు చెలియ యొయ్యనె గప్పుదు
యిక్కు వెఱింగి వేంకటాచలేంద్ర నీవు రమణిఁ గలసి
చొక్కపుఁజేఁతల నుల్ల మరసి చొక్కఁ జేసి తౌదురా
(||pallavi||)
kŏmmamanasu dĕliyarādu korigalaram̐ goneḍi
timmani talaṁpulĕllam̐ dĕliya nĕvvari vasamurā
(||kŏmma||)
ninnum̐ dalam̐si pulagariṁchi nĕlam̐ta sali yaḍaṁchum̐jĕlula
kannu mŏṟam̐gi payyada kŏṁguna kappu nŏyyana dehamu
sannabum̐ jĕmaḍa nŏsalam̐ bŏḍamagannulu delagilam̐gam̐jŏkkusu
minnaga madana mĕttĕ nanusu mĕlum̐ta tammula mumiya
(||kŏmma||)
vĕkkasamaina yūbum̐ gamula vĕlluva lŏyyana nilibi nilibi
pukkiḍa niṁchi gubbalamīm̐da pŏlayam̐ jĕmaḍa lārsunu
mikkaḍamaina kannulanīru mĕṟum̐gu rĕppaladudalanāna
sukkalaṁ jūdamanusu lesi sudadimāyalu nesunu
(||kŏmma||)
sĕkkiḍa nīvu sesinamuddula sem̐talu sĕlula kĕlla mŏṟam̐gi
sĕkkunam̐jĕyi mobum̐kŏnusu sĕliya yŏyyanĕ gappudu
yikku vĕṟiṁgi veṁkaḍāsaleṁdra nīvu ramaṇim̐ galasi
sŏkkabum̐jem̐tala nulla marasi sŏkkam̐ jesi taudurā