కొమ్మలాల యిదె మంచికొలువువేళ
(॥పల్లవి॥)
కొమ్మలాల యిదె మంచికొలువువేళ
చిమ్ముచు విన్నపాలెల్లఁ జేయరే యిపుడు
(॥కొమ్మ॥)
భామఁ దొడపై నిడుక ప్రహ్లద వరదుఁడు
ఆముకొని సరసములాడుచున్నాఁడు
దోమటి వలపులను తొప్పఁదోఁగి చెమటల
ఆమని వేడుకనోలలాడుచున్నాఁడు
(॥కొమ్మ॥)
చెలి విడెమియ్యఁగాను శ్రీ నారసింహుఁడు
నలువంకఁ బకపక నవ్వుచున్నాఁడు
పులకల జొంపముల పువ్వుదండల తోడ
చెలరేఁగి మచ్చికలు సేయుచున్నాఁడు
(॥కొమ్మ॥)
పొంది లకిమమ్మతోడ బొమ్మిరెడ్డిచెర్లహరి
యిందరి శ్రీ వెంకటేశుఁ డేలుచున్నాఁడు
సందడి రతులఁ జొక్కి జవ్వనమదము మించి
మందెమేళాము సేసుక మన్నింపుచున్నాఁడు
(||pallavi||)
kŏmmalāla yidĕ maṁchigŏluvuveḽa
simmusu vinnabālĕllam̐ jeyare yibuḍu
(||kŏmma||)
bhāmam̐ dŏḍabai niḍuga prahlada varadum̐ḍu
āmugŏni sarasamulāḍusunnām̐ḍu
domaḍi valabulanu tŏppam̐dom̐gi sĕmaḍala
āmani veḍuganolalāḍusunnām̐ḍu
(||kŏmma||)
sĕli viḍĕmiyyam̐gānu śhrī nārasiṁhum̐ḍu
naluvaṁkam̐ bagabaga navvusunnām̐ḍu
pulagala jŏṁpamula puvvudaṁḍala toḍa
sĕlarem̐gi machchigalu seyusunnām̐ḍu
(||kŏmma||)
pŏṁdi lagimammadoḍa bŏmmirĕḍḍisĕrlahari
yiṁdari śhrī vĕṁkaḍeśhum̐ ḍelusunnām̐ḍu
saṁdaḍi radulam̐ jŏkki javvanamadamu miṁchi
maṁdĕmeḽāmu sesuga manniṁpusunnām̐ḍu