కొమ్మలాల యెంతవాఁడే గోవిందరాజు
(॥పల్లవి॥)
కొమ్మలాల యెంతవాఁడే గోవిందరాజు
కుమ్మరించీ రాజసమే గోవిందరాజు
(॥కొమ్మ॥)
వులిపచ్చినవ్వులతో వొత్తగిలి పవ్వళించి
కొలవు సేయించుకొనీ గోవిందరాజు
జలజాక్షులిద్దరూను సరిఁ బాదాలోత్తఁగాను
కొలఁదిమీర మెచ్చీని గోవిందరాజు
(॥కొమ్మ॥)
అదె నాభికమలాననజునిఁ బుట్టించి తాను
కొదలేక వున్నవాఁడు గోవిందరాజు
చెదరక తనవద్ద సేవసేసే సతులకు
గుదిగుచ్చీ వలపులు గోవిందరాజు
(॥కొమ్మ॥)
వొప్పుగా వామకరము వొగిఁజాఁచి వలకేల
కొప్పుగడునెత్తినాఁడు గోవిందరాజు
ఇప్పుడు శ్రీ వెంకటాద్రినిరవై శంఖు చక్రాలు
కుప్పెకటారముఁబట్టె గోవిందరాజు
(||pallavi||)
kŏmmalāla yĕṁtavām̐ḍe goviṁdarāju
kummariṁchī rājasame goviṁdarāju
(||kŏmma||)
vulibachchinavvulado vŏttagili pavvaḽiṁchi
kŏlavu seyiṁchugŏnī goviṁdarāju
jalajākṣhuliddarūnu sarim̐ bādālottam̐gānu
kŏlam̐dimīra mĕchchīni goviṁdarāju
(||kŏmma||)
adĕ nābhigamalānanajunim̐ buṭṭiṁchi tānu
kŏdalega vunnavām̐ḍu goviṁdarāju
sĕdaraga tanavadda sevasese sadulagu
gudiguchchī valabulu goviṁdarāju
(||kŏmma||)
vŏppugā vāmagaramu vŏgim̐jām̐si valagela
kŏppugaḍunĕttinām̐ḍu goviṁdarāju
ippuḍu śhrī vĕṁkaḍādriniravai śhaṁkhu sakrālu
kuppĕgaḍāramum̐baṭṭĕ goviṁdarāju