(॥పల్లవి॥)
కొమ్మకడకు విచ్చేసి కోరిన వరమీరాదా
యెమ్మెల మానస తప మీకె చేసీని
(॥కొమ్మ॥)
వెన్నెలయెండలలోన విరహతాపానఁ జెలి
పన్ని మిక్కుటమైన తపము చేసీని
చెన్నుమీరఁ బరచిన చిగురుఁగత్తులమీఁద
యెన్నరాని వుగ్రతపమిదె చేసీని
(॥కొమ్మ॥)
మొనసి చెమటఁ దలమునుకల నీటిలోన
పనివడి నీకుఁ దపము చేసీని
ఘనమైన నిట్టూరుపు గాలి లోనఁ జెలించక
యెనలేని ఘెరతపమిదె చేసీని
(॥కొమ్మ॥)
బాయిటనె తనమేని పచ్చిజవ్వనవనాన
పాయక నీరతికిఁ దపము చేసీని
నీయింట శ్రీ వెంకటేశ నిన్నుఁగూడెలమేల్మంగ
యీయెడ మోహనతపమిదె చేసీని
(||pallavi||)
kŏmmagaḍagu vichchesi korina varamīrādā
yĕmmĕla mānasa taba mīgĕ sesīni
(||kŏmma||)
vĕnnĕlayĕṁḍalalona virahadābānam̐ jĕli
panni mikkuḍamaina tabamu sesīni
sĕnnumīram̐ barasina sigurum̐gattulamīm̐da
yĕnnarāni vugradabamidĕ sesīni
(||kŏmma||)
mŏnasi sĕmaḍam̐ dalamunugala nīḍilona
panivaḍi nīgum̐ dabamu sesīni
ghanamaina niṭṭūrubu gāli lonam̐ jĕliṁchaga
yĕnaleni ghĕradabamidĕ sesīni
(||kŏmma||)
bāyiḍanĕ tanameni pachchijavvanavanāna
pāyaga nīradigim̐ dabamu sesīni
nīyiṁṭa śhrī vĕṁkaḍeśha ninnum̐gūḍĕlamelmaṁga
yīyĕḍa mohanadabamidĕ sesīni