కొండవంటి దొరవు నీగుణ మేల విడిచేవు
(॥పల్లవి॥)
కొండవంటి దొరవు నీగుణ మేల విడిచేవు
వుండరాదా నీ వుండే వొడికానను
(॥కొండ॥)
కడుఁ దగవు చెప్పేవు కట్టెకానికలు వెట్టి
అడిగితిమా నిన్ను నయ్యా నేఁడు
బడి బడి నీవు చెప్తే పండితనాయానకు
తొడిఁబడ నెవ్వతైనా తుచ్చ మాడకుండునా
(॥కొండ॥)
వెట్టిసాకిరి చెప్పేవు విత్తూఁ దిమ్మిరి వేసి
నెట్టెనఁ గరి గోరేమా నేఁడు నిన్నును
బెట్టిమాఁట లాడి నీవు పిరిదూరి రాఁగాను
గుట్టుచెడ నెవ్వతైనాఁ గోపగించకుండునా
(॥కొండ॥)
నీతులు చెప్ప వచ్చేవు నినుఁ బెద్దతన మిచ్చి
ఆతల నడిగితిమా అప్పటినిన్ను
కాతరాన నన్ను శ్రీవెంకటనాథ కూడితివి
ఘాత రతిలోపల నాకాలు దాఁకకుండునా.
(||pallavi||)
kŏṁḍavaṁṭi dŏravu nīguṇa mela viḍisevu
vuṁḍarādā nī vuṁḍe vŏḍigānanu
(||kŏṁḍa||)
kaḍum̐ dagavu sĕppevu kaṭṭĕgānigalu vĕṭṭi
aḍigidimā ninnu nayyā nem̐ḍu
baḍi baḍi nīvu sĕpte paṁḍidanāyānagu
tŏḍim̐baḍa nĕvvadainā tuchcha māḍaguṁḍunā
(||kŏṁḍa||)
vĕṭṭisāgiri sĕppevu vittūm̐ dimmiri vesi
nĕṭṭĕnam̐ gari goremā nem̐ḍu ninnunu
bĕṭṭimām̐ṭa lāḍi nīvu piridūri rām̐gānu
guṭṭusĕḍa nĕvvadainām̐ gobagiṁchaguṁḍunā
(||kŏṁḍa||)
nīdulu sĕppa vachchevu ninum̐ bĕddadana michchi
ādala naḍigidimā appaḍininnu
kādarāna nannu śhrīvĕṁkaḍanātha kūḍidivi
ghāda radilobala nāgālu dām̐kaguṁḍunā.