కొండవంటి దొరతోడి కోపములేల
(॥పల్లవి॥)
కొండవంటి దొరతోడి కోపములేల
దండనె దవ్వుదవ్వుల దక్కుటింతె కాకా
(॥కొండ॥)
పూచిన వెన్నెలలంటేఁ బుప్పొడి వెదక నేల
చూచి చూచి కన్నులనె చొక్కుట గాక
యేచి నీవు నవ్వితే న దేమని యడుగ నేల
నాచుల మారుకు మారు నవ్వుటింతె కాక
(॥కొండ॥)
నేతిబీరకాయంటే నేయి వెదకఁగ నేల
వూఁతగొని లోలోనె వూఁకొంట గాక
చేత నీవు విలిచితే చేరి దగ్గరఁగ నేల
మోఁతల నందుకు మెచ్చి మొక్కుటింతె కాకా
(॥కొండ॥)
కోరి మోవితేనెలంటే గుక్కిళ్లు మింగ నేల
చేరి నిన్నుఁ గూడి యిట్టె చేకొంట గాక
ఆరయ శ్రీవెంకటేశ అంత నీతోఁ జల మేల
మేర మీరినట్టి నిన్ను మేలనుట గాక
(||pallavi||)
kŏṁḍavaṁṭi dŏradoḍi kobamulela
daṁḍanĕ davvudavvula dakkuḍiṁtĕ kāgā
(||kŏṁḍa||)
pūsina vĕnnĕlalaṁṭem̐ buppŏḍi vĕdaga nela
sūsi sūsi kannulanĕ sŏkkuḍa gāga
yesi nīvu navvide na demani yaḍuga nela
nāsula mārugu māru navvuḍiṁtĕ kāga
(||kŏṁḍa||)
nedibīragāyaṁṭe neyi vĕdagam̐ga nela
vūm̐tagŏni lolonĕ vūm̐kŏṁṭa gāga
seda nīvu viliside seri daggaram̐ga nela
mom̐tala naṁdugu mĕchchi mŏkkuḍiṁtĕ kāgā
(||kŏṁḍa||)
kori movidenĕlaṁṭe gukkiḽlu miṁga nela
seri ninnum̐ gūḍi yiṭṭĕ segŏṁṭa gāga
āraya śhrīvĕṁkaḍeśha aṁta nīdom̐ jala mela
mera mīrinaṭṭi ninnu melanuḍa gāga