కొండలలో నెలకొన్న కోనేటిరాయఁడు వాఁడు
(॥పల్లవి॥)
కొండలలో నెలకొన్న కోనేటిరాయఁడు వాఁడు
కొండలంత వరములు గుప్పెడువాఁడు
(॥కొండల॥)
కుమ్మరదాసుఁడైన కురువరతినంబి
ఇమ్మన్నవరములెల్ల నిచ్చినవాఁడు
దొమ్ములు సేసినయట్టి తొండమాంజక్కురవర్తి
రమ్మనచోటికి వచ్చి నమ్మినవాఁడు
(॥కొండల॥)
అచ్చపు వేడుకతోడ ననంతాళువారికి
ముచ్చిలి వెట్టికి మన్నుమోఁచినవాఁడు
మచ్చిక దొలఁకఁ దిరుమలనంబితోడుత
నిచ్చనిచ్చ మాటలాడి నొచ్చినవాఁడు
(॥కొండల॥)
కంచిలోన నుండఁ దిరుకచ్చినంబిమీఁదఁ గరు-
ణించి తనయెడకు రప్పించినవాఁడు
యెంచ నెక్కుడైనవేంకటేశుఁడు మనలకు
మంచివాఁడై కరుణఁ బాలించినవాఁడు
(||pallavi||)
kŏṁḍalalo nĕlagŏnna koneḍirāyam̐ḍu vām̐ḍu
kŏṁḍalaṁta varamulu guppĕḍuvām̐ḍu
(||kŏṁḍala||)
kummaradāsum̐ḍaina kuruvaradinaṁbi
immannavaramulĕlla nichchinavām̐ḍu
dŏmmulu sesinayaṭṭi tŏṁḍamāṁjakkuravardi
rammanasoḍigi vachchi namminavām̐ḍu
(||kŏṁḍala||)
achchabu veḍugadoḍa nanaṁtāḽuvārigi
muchchili vĕṭṭigi mannumom̐sinavām̐ḍu
machchiga dŏlam̐kam̐ dirumalanaṁbidoḍuda
nichchanichcha māḍalāḍi nŏchchinavām̐ḍu
(||kŏṁḍala||)
kaṁchilona nuṁḍam̐ dirugachchinaṁbimīm̐dam̐ garu-
ṇiṁchi tanayĕḍagu rappiṁchinavām̐ḍu
yĕṁcha nĕkkuḍainaveṁkaḍeśhum̐ḍu manalagu
maṁchivām̐ḍai karuṇam̐ bāliṁchinavām̐ḍu