(॥పల్లవి॥)
కొండల గుబ్బల నాతో గోరాది గొనేవు
కొండల నావులఁ గాచిన కోడెకాఁడఁ గాన
(॥కొండ॥)
వంకలకురులదాన వద్దు నే నీకు మూఁడు-
వంకలవెంటఁ దిరిగేవాఁడఁ గాన
సంకుమెడదాన నీతో సరివచ్చేనా
సంకుచేతి నన్ను నీవు జట్టిగొంటి చాలదా
(॥కొండ॥)
యేనుఁగు నడుపుదాన నేల నే నీకు తొల్లి
యేనుఁగుఁ గాచినవాఁడ యేనుఁగాన
మీనుకవగంటిదాన మెచ్చేవా నన్ను మేటిఁ
మీననై జలదిలో మెరసినవాఁడను
(॥కొండ॥)
చీఁకటితురుముదాన చేరకు నన్ను
చీఁకటి నల్లనిమేని చెలువుఁడను
వేఁకపుఁ బిరుఁదుమీఁద వేయకు చెయి
వేఁకమైన భూమిమోఁచే వేంకటవిభుఁడను
(||pallavi||)
kŏṁḍala gubbala nādo gorādi gŏnevu
kŏṁḍala nāvulam̐ gāsina koḍĕgām̐ḍam̐ gāna
(||kŏṁḍa||)
vaṁkalaguruladāna vaddu ne nīgu mūm̐ḍu-
vaṁkalavĕṁṭam̐ dirigevām̐ḍam̐ gāna
saṁkumĕḍadāna nīdo sarivachchenā
saṁkusedi nannu nīvu jaṭṭigŏṁṭi sāladā
(||kŏṁḍa||)
yenum̐gu naḍubudāna nela ne nīgu tŏlli
yenum̐gum̐ gāsinavām̐ḍa yenum̐gāna
mīnugavagaṁṭidāna mĕchchevā nannu meḍim̐
mīnanai jaladilo mĕrasinavām̐ḍanu
(||kŏṁḍa||)
sīm̐kaḍidurumudāna seragu nannu
sīm̐kaḍi nallanimeni sĕluvum̐ḍanu
vem̐kabum̐ birum̐dumīm̐da veyagu sĕyi
vem̐kamaina bhūmimom̐se veṁkaḍavibhum̐ḍanu