కొంచెమును ఘనముఁ గనుఁగొననేల హరిఁ దలఁచు
(॥పల్లవి॥)
కొంచెమును ఘనముఁ గనుఁగొననేల హరిఁ దలఁచు-
పంచమహాపాతకుఁడే బ్రాహ్మణోత్తముఁడు
(॥కొంచె॥)
వేదములుచదివియును విముఖుఁడై హరికథల
నాదరించనిసోమయాజికంటె
యేదియునులేనికులహీనుఁడైనను విష్ణు
పాదసేవకుఁడువో బ్రహ్మణోత్తముఁడు
(॥కొంచె॥)
పరమమగువేదాంతపఠన దొరకియు సదా
హరిఁదలఁచలేని సన్న్యాసికంటె
మరిగి పసురముఁదినెడిమాలయైనను వాఁడె
పరమాత్ముఁ గొలిచినను బ్రహ్మణోత్తముఁడు
(॥కొంచె॥)
వినియుఁ జదివియు రమావిభునిఁ దలఁపక వృథా
తనువు వేఁపుచుఁ దిరుగతపసికంటె
చనవుగల వేంకటేశ్వరుదాసులకు వెంటఁ
బనిదిరుగునధముఁడే బ్రహ్మణోత్తముఁడు
(||pallavi||)
kŏṁchĕmunu ghanamum̐ ganum̐gŏnanela harim̐ dalam̐su-
paṁchamahābādagum̐ḍe brāhmaṇottamum̐ḍu
(||kŏṁchĕ||)
vedamulusadiviyunu vimukhum̐ḍai harigathala
nādariṁchanisomayājigaṁṭĕ
yediyunulenigulahīnum̐ḍainanu viṣhṇu
pādasevagum̐ḍuvo brahmaṇottamum̐ḍu
(||kŏṁchĕ||)
paramamaguvedāṁtabaṭhana dŏragiyu sadā
harim̐dalam̐saleni sannyāsigaṁṭĕ
marigi pasuramum̐dinĕḍimālayainanu vām̐ḍĕ
paramātmum̐ gŏlisinanu brahmaṇottamum̐ḍu
(||kŏṁchĕ||)
viniyum̐ jadiviyu ramāvibhunim̐ dalam̐paga vṛthā
tanuvu vem̐pusum̐ dirugadabasigaṁṭĕ
sanavugala veṁkaḍeśhvarudāsulagu vĕṁṭam̐
banidirugunadhamum̐ḍe brahmaṇottamum̐ḍu