(॥పల్లవి॥)
కొలువరో మొక్కరో కోరి తలఁచరో
చెలఁగి మనల రక్షించీని వీఁడె
(॥కొలు॥)
పాయపువాఁడు నల్లఁబల్లిచెన్నుఁడు
వేయినామములవెన్నుఁడు
పాయకకొల్చిన భక్తప్రసన్నుఁడు
యీయెడనే వరములు యిచ్చీని వీఁడే
(॥కొలు॥)
పరిపూర్ణుఁడు మహానుభావుఁడు
తిరమగు దేవాధిదేవుఁడు
పరమానందస్వభావుఁడు
గరిమెఁ గరుణతోఁ గాచీని వీఁడె
(॥కొలు॥)
తెలియుఁ డీతఁడె దేవాగ్రగణ్యుఁడు
వలనుగ యోగీంద్రవరేణ్యుఁడు
అలరఁగ శ్రీవేంకటాచలేశపుణ్యుఁడు
నలిఁ బ్రసన్నుఁడై నవ్వీని వీఁడె
(||pallavi||)
kŏluvaro mŏkkaro kori talam̐saro
sĕlam̐gi manala rakṣhiṁchīni vīm̐ḍĕ
(||kŏlu||)
pāyabuvām̐ḍu nallam̐ballisĕnnum̐ḍu
veyināmamulavĕnnum̐ḍu
pāyagagŏlsina bhaktaprasannum̐ḍu
yīyĕḍane varamulu yichchīni vīm̐ḍe
(||kŏlu||)
paribūrṇum̐ḍu mahānubhāvum̐ḍu
tiramagu devādhidevum̐ḍu
paramānaṁdasvabhāvum̐ḍu
garimĕm̐ garuṇadom̐ gāsīni vīm̐ḍĕ
(||kŏlu||)
tĕliyum̐ ḍīdam̐ḍĕ devāgragaṇyum̐ḍu
valanuga yogīṁdravareṇyum̐ḍu
alaram̐ga śhrīveṁkaḍāsaleśhabuṇyum̐ḍu
nalim̐ brasannum̐ḍai navvīni vīm̐ḍĕ