(॥పల్లవి॥)
కొలువై తా నల్లవాఁడె కూచున్నాఁడు గద్దెమీఁద
బలవంతుఁ డితఁడు ప్రహ్లాదవరదుఁడు
(॥కొలు॥)
చిడుముడిగోళ్లతోడ సింహపుమోముతోడ
తొడమీఁదఁగూచున్న తొయ్యలితోడ
కడలేనినవ్వుతోడ కడురాజసముతోడ
అడరించీఁ బంతము ప్రహ్లాదవరదుఁడు
(॥కొలు॥)
సంకుఁజక్రములతోడ చాయలమేనితోడ
సంకెదేర్చేయభయహస్తముతోడ
బింకపుమీసాలతోడ పెనువదనముతోడ
అంకె వరములిచ్చీఁ బ్రహ్లాదవరదుఁడు
(॥కొలు॥)
వనితకౌఁగిటతోడ వామకరముతోడ
ననుపైన తమలోనానందముతోడ
యెనయుచు శ్రీవేంకటేశుఁడై యీడా నాడా
అనిశము వెలసెఁ బ్రహ్లాదవరదుఁడు
(||pallavi||)
kŏluvai tā nallavām̐ḍĕ kūsunnām̐ḍu gaddĕmīm̐da
balavaṁtum̐ ḍidam̐ḍu prahlādavaradum̐ḍu
(||kŏlu||)
siḍumuḍigoḽladoḍa siṁhabumomudoḍa
tŏḍamīm̐dam̐gūsunna tŏyyalidoḍa
kaḍaleninavvudoḍa kaḍurājasamudoḍa
aḍariṁchīm̐ baṁtamu prahlādavaradum̐ḍu
(||kŏlu||)
saṁkum̐jakramuladoḍa sāyalamenidoḍa
saṁkĕderseyabhayahastamudoḍa
biṁkabumīsāladoḍa pĕnuvadanamudoḍa
aṁkĕ varamulichchīm̐ brahlādavaradum̐ḍu
(||kŏlu||)
vanidagaum̐giḍadoḍa vāmagaramudoḍa
nanubaina tamalonānaṁdamudoḍa
yĕnayusu śhrīveṁkaḍeśhum̐ḍai yīḍā nāḍā
aniśhamu vĕlasĕm̐ brahlādavaradum̐ḍu