కొల్లున నవ్వేరు నిన్ను గోవిందుఁడా
(॥పల్లవి॥)
కొల్లున నవ్వేరు నిన్ను గోవిందుఁడా
గొల్లెతల నేమనేవు గోవిందుఁడా
(॥కొల్లు॥)
యేపున నీసుద్దులెల్ల యిట్టె యశోదతోడ
గోపిక లాడుకొనేరు గోవిందుఁడా
తీపుల నీచేఁతలెల్ల తేట తెల్లమాయనిదే
కోపగించఁ జెల్లదిఁక గోవిందుఁడా
(॥కొల్లు॥)
సిసువవై యాడువారి చీరలు దీసినందుకు
కొసరి తిట్టేరు నిన్ను గోవిందుఁడా
పసులఁగాచేచోట భామలు విందు దెచ్చిరి
కుసిగుంపు సేయకుమీ గోవిందుఁడా
(॥కొల్లు॥)
వాడలసతుల నొక్కవావిగానే సేసితివి
కోడెల నావులఁ గాచేగోవిందుఁడా
యీడనే శ్రీవేంకటాద్రి నిరవై శ్రీ సతితోడఁ
గూడి లోలుఁడ వైతివి గోవిందుఁడా
(||pallavi||)
kŏlluna navveru ninnu goviṁdum̐ḍā
gŏllĕdala nemanevu goviṁdum̐ḍā
(||kŏllu||)
yebuna nīsuddulĕlla yiṭṭĕ yaśhodadoḍa
gobiga lāḍugŏneru goviṁdum̐ḍā
tībula nīsem̐talĕlla teḍa tĕllamāyanide
kobagiṁcham̐ jĕlladim̐ka goviṁdum̐ḍā
(||kŏllu||)
sisuvavai yāḍuvāri sīralu dīsinaṁdugu
kŏsari tiṭṭeru ninnu goviṁdum̐ḍā
pasulam̐gāsesoḍa bhāmalu viṁdu dĕchchiri
kusiguṁpu seyagumī goviṁdum̐ḍā
(||kŏllu||)
vāḍalasadula nŏkkavāvigāne sesidivi
koḍĕla nāvulam̐ gāsegoviṁdum̐ḍā
yīḍane śhrīveṁkaḍādri niravai śhrī sadidoḍam̐
gūḍi lolum̐ḍa vaidivi goviṁdum̐ḍā