కొలిచినవారికిఁ గొమ్మని వరములిచ్చీ
(॥పల్లవి॥)
కొలిచినవారికిఁ గొమ్మని వరములిచ్చీ
వెలయఁ గలశాపుర వీధిహనుమంతుఁడు
(॥కొలి॥)
బెట్టుగా నొకచేతఁ జూపెడి తన ప్రతాపము
పట్టుకున్నాఁ డొకచేతఁ బండ్లగొల
మెట్టుకొన్నవి రాకాసిమెదడుతోడి తలలు
రట్టడి కలశాపుర దిట్ట హనుమంతుడు
(॥కొలి॥)
చెచ్చెర వీనుల నాలించేది సురల నుతులు
కొచ్చికొచ్చి తోఁకఁ జుట్టుకొన్నది నింగి
తచ్చి చూచేది కన్నుల దాసులమీఁది కరుణ
రచ్చకెక్కెఁ గలశాపురము హనుమంతుఁడు
(॥కొలి॥)
వసుధ మతిలోనిది స్వామికార్యవిశ్వాసము
వెసఁ దన పనైనది విష్ణుభక్తి
పసగా శ్రీవేంకటేశ బలు నీ బంట్లలోన
రసికుఁడు కలశాపురము హనుమంతుఁడు
(||pallavi||)
kŏlisinavārigim̐ gŏmmani varamulichchī
vĕlayam̐ galaśhābura vīdhihanumaṁtum̐ḍu
(||kŏli||)
bĕṭṭugā nŏgasedam̐ jūbĕḍi tana pradābamu
paṭṭugunnām̐ ḍŏgasedam̐ baṁḍlagŏla
mĕṭṭugŏnnavi rāgāsimĕdaḍudoḍi talalu
raṭṭaḍi kalaśhābura diṭṭa hanumaṁtuḍu
(||kŏli||)
sĕchchĕra vīnula nāliṁchedi surala nudulu
kŏchchigŏchchi tom̐kam̐ juṭṭugŏnnadi niṁgi
tachchi sūsedi kannula dāsulamīm̐di karuṇa
rachchagĕkkĕm̐ galaśhāburamu hanumaṁtum̐ḍu
(||kŏli||)
vasudha madilonidi svāmigāryaviśhvāsamu
vĕsam̐ dana panainadi viṣhṇubhakti
pasagā śhrīveṁkaḍeśha balu nī baṁṭlalona
rasigum̐ḍu kalaśhāburamu hanumaṁtum̐ḍu