కొలిచినవారి పాలి కొల్లలివివో
(॥పల్లవి॥)
కొలిచినవారి పాలి కొల్లలివివో
యిల నిట్టి దైవమవు యిఁక వేరే కలరా
(॥కొలి॥)
యెట్టైన నభయహస్త మెత్తుక కాచుకున్నాఁడ-
వట్టె దాసులఁ గాచేనంటా నీవు
తొట్టిన పాపాలు పోఁదోలు నీ నామమంత్రాలు
జట్టిగా లోకాల వెదచల్లినాఁడవు
(॥కొలి॥)
తలఁచినవారికెల్లా ధనధాన్యా లిత్తునంటా
వొలసి శ్రీసతి మోచుకున్నాఁడవు
యిలఁ బావనులఁగా నిందరిఁ జేసేనంటా
నెలమిఁ బాదతీర్థ మేరు చేసినాఁడవు
(॥కొలి॥)
పుట్టించ జీవులను భువనము లోపల
గట్టిగ బ్రహ్మను నాభిఁ గన్నాఁడవు
ఱట్టుగఁ బాలుపడి చుట్టి రక్షకత్వానికే
యిట్టే శ్రీవేంకటాద్రి యెక్కినాఁడవు
(||pallavi||)
kŏlisinavāri pāli kŏllalivivo
yila niṭṭi daivamavu yim̐ka vere kalarā
(||kŏli||)
yĕṭṭaina nabhayahasta mĕttuga kāsugunnām̐ḍa-
vaṭṭĕ dāsulam̐ gāsenaṁṭā nīvu
tŏṭṭina pābālu pom̐dolu nī nāmamaṁtrālu
jaṭṭigā logāla vĕdasallinām̐ḍavu
(||kŏli||)
talam̐sinavārigĕllā dhanadhānyā littunaṁṭā
vŏlasi śhrīsadi mosugunnām̐ḍavu
yilam̐ bāvanulam̐gā niṁdarim̐ jesenaṁṭā
nĕlamim̐ bādadīrdha meru sesinām̐ḍavu
(||kŏli||)
puṭṭiṁcha jīvulanu bhuvanamu lobala
gaṭṭiga brahmanu nābhim̐ gannām̐ḍavu
ṟaṭṭugam̐ bālubaḍi suṭṭi rakṣhagatvānige
yiṭṭe śhrīveṁkaḍādri yĕkkinām̐ḍavu