(॥పల్లవి॥)
కొలనిలోన మును గోపికలు
మొలక నవ్వు(వు?)లతో మొక్కిరి నీకు
(॥కొలని॥)
పిరుఁదులు దాఁటిన పించెపుటలకల
తురుములు వీడఁగఁ దొయ్యలులు
అరిదినితంబములందునె దాఁచుక
మురిపెపుఁ గరముల మొక్కిరి నీకు
(॥కొలని॥)
నిద్దపు మానము నెలఁతలు లోఁగుచు
గద్దరి తొడలనె కట్టచును
ముద్దుటుంగరంబుల కరములతో
ముద్దులు గునియుచు మొక్కిరి నీకు
(॥కొలని॥)
పాలిండ్ల పెనుభారంబుల కర-
మూలపు మెఱుఁగులు ముంచఁగను
వేలపుఁ బ్రియముల వేంకటేశ నిను
మూలకుఁ బిలుచుచు మొక్కిరి నీకు
(||pallavi||)
kŏlanilona munu gobigalu
mŏlaga navvu(vu?)lado mŏkkiri nīgu
(||kŏlani||)
pirum̐dulu dām̐ṭina piṁchĕbuḍalagala
turumulu vīḍam̐gam̐ dŏyyalulu
aridinidaṁbamulaṁdunĕ dām̐suga
muribĕbum̐ garamula mŏkkiri nīgu
(||kŏlani||)
niddabu mānamu nĕlam̐talu lom̐gusu
gaddari tŏḍalanĕ kaṭṭasunu
mudduḍuṁgaraṁbula karamulado
muddulu guniyusu mŏkkiri nīgu
(||kŏlani||)
pāliṁḍla pĕnubhāraṁbula kara-
mūlabu mĕṟum̐gulu muṁcham̐ganu
velabum̐ briyamula veṁkaḍeśha ninu
mūlagum̐ bilusuchu mŏkkiri nīgu