(॥పల్లవి॥)
కొలనిదోఁపరికి గొబ్బిళ్ళో యదు-
కులము స్వామికిని గొబ్బిళ్ళో
(॥కొలని॥)
కొండ గొడుగుగా గోవులఁ గాచిన
కొండుక శిశువుకు గొబ్బిళ్ళో
దుండగంపు దైత్యులకెల్లను తల-
గుండు గండనికి గొబ్బిళ్ళో
(॥కొలని॥)
పాపవిధుల శిశుపాలుని తిట్ల-
కోపగానికిని గొబ్బిళ్ళో
యేపునఁ గంసుని యిడుమలఁ బెట్టిన-
గోపబాలునికి గొబ్బిళ్ళో
(॥కొలని॥)
దండి వైరులను తఱమిని దనుజుల-
గుండె దిగులునకు గొబ్బిళ్ళో
వెండిఁ బైఁడియగు వేంకటగిరిపై
కొండలయ్యకును గొబ్బిళ్ళో
(||pallavi||)
kŏlanidom̐parigi gŏbbiḽḽo yadu-
kulamu svāmigini gŏbbiḽḽo
(||kŏlani||)
kŏṁḍa gŏḍugugā govulam̐ gāsina
kŏṁḍuga śhiśhuvugu gŏbbiḽḽo
duṁḍagaṁpu daityulagĕllanu tala-
guṁḍu gaṁḍanigi gŏbbiḽḽo
(||kŏlani||)
pābavidhula śhiśhubāluni tiṭla-
kobagānigini gŏbbiḽḽo
yebunam̐ gaṁsuni yiḍumalam̐ bĕṭṭina-
gobabālunigi gŏbbiḽḽo
(||kŏlani||)
daṁḍi vairulanu taṟamini danujula-
guṁḍĕ digulunagu gŏbbiḽḽo
vĕṁḍim̐ baim̐ḍiyagu veṁkaḍagiribai
kŏṁḍalayyagunu gŏbbiḽḽo