(॥పల్లవి॥)
కోటికిఁ బడగయెత్తి కొంకనేల
యీటులేని పదమక్కి యిఁకనేల చింత
(॥కోటి॥)
పెట్టినది నొసలను పెద్ద పెద్ద తిరుమణి
కట్టినది మొలఁ జిన్నకౌపీనము
పట్టినది శ్రీహరిపాదపద్మ మూలము
యెట్టయినా మాకు మేలే యిఁకనేల చింత
(॥కోటి॥)
చిక్కి నా లోనైనది శ్రీవైష్ణవధర్మము
తొక్కినది భవముల తుదిపదము
యెక్కినది హరిభక్తి యిది పట్టపేనుఁగ
యెక్కువ కెక్కువే కాక యిఁక నేల చింత
(॥కోటి॥)
చిత్తములోనిండినది శ్రీపతిరూపము
హత్తినది వైరాగ్య మాత్మధనము
యెత్తలఁజూచిన మాకు నిదివో శ్రీవేంకటేశుఁ-
డెత్తి మముఁ గావఁగాను యిఁక నేల చింత
(||pallavi||)
koḍigim̐ baḍagayĕtti kŏṁkanela
yīḍuleni padamakki yim̐kanela siṁta
(||koḍi||)
pĕṭṭinadi nŏsalanu pĕdda pĕdda tirumaṇi
kaṭṭinadi mŏlam̐ jinnagaubīnamu
paṭṭinadi śhrīharibādabadma mūlamu
yĕṭṭayinā māgu mele yim̐kanela siṁta
(||koḍi||)
sikki nā lonainadi śhrīvaiṣhṇavadharmamu
tŏkkinadi bhavamula tudibadamu
yĕkkinadi haribhakti yidi paṭṭabenum̐ga
yĕkkuva kĕkkuve kāga yim̐ka nela siṁta
(||koḍi||)
sittamuloniṁḍinadi śhrībadirūbamu
hattinadi vairāgya mātmadhanamu
yĕttalam̐jūsina māgu nidivo śhrīveṁkaḍeśhum̐-
ḍĕtti mamum̐ gāvam̐gānu yim̐ka nela siṁta