(॥పల్లవి॥)
కింకదీర 'న దైవం కేశవాత్పర' మని
ఉంకువైన నాలో నీ వుపమలివే
(॥కింక॥)
కంటి నీవొక్కఁడవే లోకములకు దైవమని
వొంటి మఱి నిన్నుఁ బోల నొకరిఁ గాన
వింటి నీవే ఘనమని వేదాంతమందు నీ-
కంటె నితరము విన గరుణానిధీ
(॥కింక॥)
తోఁచె నాకు నీసేవే తుదిపదమని మఱి
తోఁచ దీబుద్ధికి; సరితూఁగ దెందును
పూఁచి నాగురుఁడు నిన్నే బోధించేగాని మఱి
దాఁచఁడాయ నీమహిమ ధరణిధరా
(॥కింక॥)
సమ్మతించె నామతి జవియైనా కథలె
సమ్మతించ దెక్కడో రచ్చల సుద్దులు
నమ్మిక శ్రీవేంకటేశ నంటున నీపాదాలే
నమ్మితి నేమియు నమ్మ నారాయణా
(||pallavi||)
kiṁkadīra 'na daivaṁ keśhavātpara' mani
uṁkuvaina nālo nī vubamalive
(||kiṁka||)
kaṁṭi nīvŏkkam̐ḍave logamulagu daivamani
vŏṁṭi maṟi ninnum̐ bola nŏgarim̐ gāna
viṁṭi nīve ghanamani vedāṁtamaṁdu nī-
kaṁṭĕ nidaramu vina garuṇānidhī
(||kiṁka||)
tom̐sĕ nāgu nīseve tudibadamani maṟi
tom̐sa dībuddhigi; saridūm̐ga dĕṁdunu
pūm̐si nāgurum̐ḍu ninne bodhiṁchegāni maṟi
dām̐sam̐ḍāya nīmahima dharaṇidharā
(||kiṁka||)
sammadiṁchĕ nāmadi javiyainā kathalĕ
sammadiṁcha dĕkkaḍo rachchala suddulu
nammiga śhrīveṁkaḍeśha naṁṭuna nībādāle
nammidi nemiyu namma nārāyaṇā