(॥పల్లవి॥)
కేశవదాసినైతి గెలిచితి నన్నిటాను
యీ శరీరపు నేరా లిఁకనేలా వెదక
(॥కేశ॥)
నిచ్చలుఁ గోరికలియ్య నీనామమే చాలు
తెచ్చి పునీతుఁ జేయ నీతీర్థమే చాలు
పచ్చిపాపా లణఁచ నీప్రసాదమే చాలు
యెచ్చుకొందు వుపాయాలు ఇఁకనేల వెదక
(॥కేశ॥)
ఘనునిఁ జేయఁగను నీకైంకర్యమే చాలు
మొనసి రక్షించను నీముద్రలే చాలు
మనిపి కావఁగఁ దిరుమణిలాంఛనమే చాలు
యెనసెను దిక్కుదెస ఇఁకనేల వెదక
(॥కేశ॥)
నెలవైన సుఖమియ్య నీధ్యానమే చాలు
అల దాపుదండకు నీయర్చనే చాలు
యిలపై శ్రీవేంకటేశ యిన్నిటా మాకుఁ గలవు
యెలమి నితరములు యిఁకనేల వెదక
(||pallavi||)
keśhavadāsinaidi gĕlisidi nanniḍānu
yī śharīrabu nerā lim̐kanelā vĕdaga
(||keśha||)
nichchalum̐ gorigaliyya nīnāmame sālu
tĕchchi punīdum̐ jeya nīdīrdhame sālu
pachchibābā laṇam̐sa nīprasādame sālu
yĕchchugŏṁdu vubāyālu im̐kanela vĕdaga
(||keśha||)
ghanunim̐ jeyam̐ganu nīgaiṁkaryame sālu
mŏnasi rakṣhiṁchanu nīmudrale sālu
manibi kāvam̐gam̐ dirumaṇilāṁchhaname sālu
yĕnasĕnu dikkudĕsa im̐kanela vĕdaga
(||keśha||)
nĕlavaina sukhamiyya nīdhyāname sālu
ala dābudaṁḍagu nīyarsane sālu
yilabai śhrīveṁkaḍeśha yinniḍā māgum̐ galavu
yĕlami nidaramulu yim̐kanela vĕdaga