Raamaayanattile duhkham

രാമായണത്തിലെ ദു:ഖം
ശാകുന്തളത്തിലെ ദു:ഖം
ശാലീനതേ നിന്നെ തേടുന്നു ഇന്നും
ശാരിക തേങ്ങിക്കരയുന്നൂ (രാമായണത്തിലെ)

ഗൌതമന്‍ പെണ്ണിനെ ശിലയാക്കി
ശ്രീരാമന്‍ അവളെയോ പൂവാക്കി
അഗ്നിപരീക്ഷകള്‍ തുടരുന്നൂ അവള്‍
അഗ്നിയെ പൂനിലാവാക്കുന്നൂ - അവള്‍
അഗ്നിയെ പൂനിലാവാക്കുന്നൂ (രാമായണത്തിലെ)

യാഗങ്ങളില്‍ അവള്‍ സതിയാകും
ത്യാഗങ്ങളില്‍ ഹൈമവതിയാകും
കാലം ശാപങ്ങള്‍ ചൊരിയുന്നൂ - അവള്‍
കാലത്തെ പുറകേ നടത്തുന്നൂ അവള്‍
കാലത്തെ പുറകേ നടത്തുന്നൂ (രാമായണത്തിലെ)