(॥పల్లవి॥)
కౌసల్యానందనరామ కమలాప్తకులరామ
భాసురవరద జయపరిపూర్ణరామ
(॥కౌస॥)
మునుప దశరథరాముఁడవై తమ్ములు నీవు
జనించి తాటకఁ జంపి జన్నము గాచి
వెనుకొని హరువిల్లు విరిచి సీతఁ బెండ్లాడి
అనుమతి పరశురామునిచేఁ గైకొంటివి
(॥కౌస॥)
సుప్పనాతి శిక్షించి సొరిది రుషులఁ గాచి
అప్పుడే ఖరదూషణాదులఁ గొట్టి
చొప్పుతో మాయమృగము సోదించి హరియించి
కప్పి హనుమంతు బంటుఁగా నేలుకొంటివి
(॥కౌస॥)
సొలసి వాలి నడఁచి సుగ్రీవుఁ గూడుక
జలధి బంధించి లంక సాధించి
వెలయ రావణు గెల్చి విభీషణుని మన్నించి
చెలఁగితి వయోధ్యలో శ్రీవేంకటేశుఁడా
(||pallavi||)
kausalyānaṁdanarāma kamalāptagularāma
bhāsuravarada jayabaribūrṇarāma
(||kausa||)
munuba daśharatharāmum̐ḍavai tammulu nīvu
janiṁchi tāḍagam̐ jaṁpi jannamu gāsi
vĕnugŏni haruvillu virisi sīdam̐ bĕṁḍlāḍi
anumadi paraśhurāmunisem̐ gaigŏṁṭivi
(||kausa||)
suppanādi śhikṣhiṁchi sŏridi ruṣhulam̐ gāsi
appuḍe kharadūṣhaṇādulam̐ gŏṭṭi
sŏppudo māyamṛgamu sodiṁchi hariyiṁchi
kappi hanumaṁtu baṁṭum̐gā nelugŏṁṭivi
(||kausa||)
sŏlasi vāli naḍam̐si sugrīvum̐ gūḍuga
jaladhi baṁdhiṁchi laṁka sādhiṁchi
vĕlaya rāvaṇu gĕlsi vibhīṣhaṇuni manniṁchi
sĕlam̐gidi vayodhyalo śhrīveṁkaḍeśhum̐ḍā