కట్టెదుర వైకుంఠము కాణాచయిన కొండ
(॥పల్లవి॥)
కట్టెదుర వైకుంఠము కాణాచయిన కొండ
తెట్టెలాయ మహిమలే తిరుమల కొండ
(॥కట్టె॥)
వేదములే శిలలై వెలసినది కొండ
యేదెసఁ బుణ్యరాసులే యేరులైనది కొండ
గాదిలి బ్రహ్మాదిలోకముల కొనల కొండ
శ్రీదేవుఁడుండేటి శేషాద్రి యీకొండ
(॥కట్టె॥)
సర్వదేవతలు మృగజాతులై చరించే కొండ
నిర్వహించి జలధులే నిట్టచరులైన కొండ
వుర్విఁ దపసులే తరువులై నిలిచిన కొండ
పూర్వపు టంజనాద్రి యీ పొడవాటి కొండ
(॥కట్టె॥)
వరములు కొటారుగా వక్కణించి పెంచే కొండ
పరగు లక్ష్మీకాంతు సోబనపుఁ గొండ
కురిసి సంపదలెల్ల గుహల నిండిన కొండ
విరివైన దిదివో శ్రీవేంకటపుఁ గొండ
(||pallavi||)
kaṭṭĕdura vaiguṁṭhamu kāṇāsayina kŏṁḍa
tĕṭṭĕlāya mahimale tirumala kŏṁḍa
(||kaṭṭĕ||)
vedamule śhilalai vĕlasinadi kŏṁḍa
yedĕsam̐ buṇyarāsule yerulainadi kŏṁḍa
gādili brahmādilogamula kŏnala kŏṁḍa
śhrīdevum̐ḍuṁḍeḍi śheṣhādri yīgŏṁḍa
(||kaṭṭĕ||)
sarvadevadalu mṛgajādulai sariṁche kŏṁḍa
nirvahiṁchi jaladhule niṭṭasarulaina kŏṁḍa
vurvim̐ dabasule taruvulai nilisina kŏṁḍa
pūrvabu ṭaṁjanādri yī pŏḍavāḍi kŏṁḍa
(||kaṭṭĕ||)
varamulu kŏḍārugā vakkaṇiṁchi pĕṁche kŏṁḍa
paragu lakṣhmīgāṁtu sobanabum̐ gŏṁḍa
kurisi saṁpadalĕlla guhala niṁḍina kŏṁḍa
virivaina didivo śhrīveṁkaḍabum̐ gŏṁḍa