కత్తరాలు చిమ్ముచుండెఁ గదలుచుండె
(॥పల్లవి॥)
కత్తరాలు చిమ్ముచుండెఁ గదలుచుండె
చిత్త(జ)జనకుఁడైన శ్రీమూరితి
(॥కత్త॥)
కన్నులఁ జొక్కుచునుండె కంపితము మీఁటుచుండె
సన్నపు సొలపు నిగ్గు సళుపుచుండె
అన్నువ నడిమి యింతి నక్కున నొత్తుచునుండె
ఉన్నతిఁ గోనేటిదరినున్న మూరితి
(॥కత్త॥)
మేసులు ముట్టుచునుండె మేడమీఁద నిలుచుండె
కీసిన గోక గిలిగింపుచునుండె
నేసకొప్పురమణికి చెక్కులు నొక్కుచునుండె
తీసిన లంఘితముల దివ్యమూరితి
(॥కత్త॥)
కిలకిల నవ్వుచుండె కిన్నెర వట్టుచునుండె
పలుమెరుఁగులు దోఁప బాడుచుండె
అలమేలుమంగమీఁద నలరి యొరగి యుండె
వెలయ వేంకటగిరి వేదమూరితి
(||pallavi||)
kattarālu simmusuṁḍĕm̐ gadalusuṁḍĕ
sitta(ja)janagum̐ḍaina śhrīmūridi
(||katta||)
kannulam̐ jŏkkusunuṁḍĕ kaṁpidamu mīm̐ṭusuṁḍĕ
sannabu sŏlabu niggu saḽubusuṁḍĕ
annuva naḍimi yiṁti nakkuna nŏttusunuṁḍĕ
unnadim̐ goneḍidarinunna mūridi
(||katta||)
mesulu muṭṭusunuṁḍĕ meḍamīm̐da nilusuṁḍĕ
kīsina goga giligiṁpusunuṁḍĕ
nesagŏppuramaṇigi sĕkkulu nŏkkusunuṁḍĕ
tīsina laṁghidamula divyamūridi
(||katta||)
kilagila navvusuṁḍĕ kinnĕra vaṭṭusunuṁḍĕ
palumĕrum̐gulu dom̐pa bāḍusuṁḍĕ
alamelumaṁgamīm̐da nalari yŏragi yuṁḍĕ
vĕlaya veṁkaḍagiri vedamūridi