മാടപ്പിറാവേ മാടപ്പിറാവേ
മക്കത്തു പോയൊരു ഹാജിയാരേ ഹാജിയാരേ
മക്കത്തുന്നെന്തെല്ലാം കൊണ്ടുവന്നു ?
മുത്തുണ്ടോ പൊന്‍ മുത്തുച്ചിപ്പിയുണ്ടോ? (മാടപ്പിറാവേ)
മധുമാസരാവിലെ മരതകദ്വീപില്‍
മലക്കുകള്‍ കോര്‍ത്തൊരു മാലയുണ്ടോ
ഇത്താത്തായ്ക്കു ചൂടിയുറങ്ങാന്‍
ഇബിലീസു കാണാത്ത പൂവുണ്ടോ ? (മാടപ്പിറാവേ)
മഴവില്ലിന്‍ നാട്ടിലെ മൈലാഞ്ചിയുണ്ടോ
മാനത്തെ പട്ടുനൂല്‍ തട്ടമുണ്ടോ
ഇത്താത്തായ്ക്കു ചുറ്റിയുടുക്കാന്‍
വക്കത്തു കസവുള്ള കൈലിയുണ്ടോ ? (മാടപ്പിറാവേ)
അറബികള്‍ തന്നൊരു കണ്മഷിയുണ്ടോ
അലുക്കത്തു കിലുങ്ങണ തക്കയുണ്ടോ
ഇത്താത്തായ്ക്കു തേച്ചു തെറുക്കാന്‍
ഇത്തിരി കര്‍പൂര വെറ്റയുണ്ടോ (മാടപ്പിറാവേ)
