(॥పల్లవి॥)
కరుణించవయ్య మమ్ముఁ గంభమురాయ
పెరెదేవుని కాలువపెద్ద కంభమురాయ
(॥॥)
కలకలనవ్వు దేరేఁ గంభమురాయ ఇంతి-
కలికితనాలు చూడు కంభమురాయ
కలిమికాంత తొడెక్కెఁ గంభమురాయ నీపైఁ
గలువదండలు వేసెఁ గంభమురాయ
(॥॥)
కనకపువన్నె మేనికంభమురాయ ఇంతి
కనుఁగవలనే మొక్కీఁ గంభమురాయ
ఘనుఁడ వన్నిటా నీవు కంభమురాయ
కనుకో వలపులెల్లాఁ గంభమురాయ
(॥॥)
కందర్ప కోటిరూప కంభమురాయ ఇంతిఁ
గందువలఁ గూడితివి కంభమురాయ
గంద మిచ్చి నన్నేలితి కంభమురాయ మేలు
గందము శ్రీ వేంకటాద్రి కంభమురాయ
(||pallavi||)
karuṇiṁchavayya mammum̐ gaṁbhamurāya
pĕrĕdevuni kāluvabĕdda kaṁbhamurāya
(||||)
kalagalanavvu derem̐ gaṁbhamurāya iṁti-
kaligidanālu sūḍu kaṁbhamurāya
kalimigāṁta tŏḍĕkkĕm̐ gaṁbhamurāya nībaim̐
galuvadaṁḍalu vesĕm̐ gaṁbhamurāya
(||||)
kanagabuvannĕ menigaṁbhamurāya iṁti
kanum̐gavalane mŏkkīm̐ gaṁbhamurāya
ghanum̐ḍa vanniḍā nīvu kaṁbhamurāya
kanugo valabulĕllām̐ gaṁbhamurāya
(||||)
kaṁdarba koḍirūba kaṁbhamurāya iṁtim̐
gaṁduvalam̐ gūḍidivi kaṁbhamurāya
gaṁda michchi nannelidi kaṁbhamurāya melu
gaṁdamu śhrī veṁkaḍādri kaṁbhamurāya