కరుణానిధివి గట్టుకో యే పుణ్యమైన
(॥పల్లవి॥)
కరుణానిధివి గట్టుకో యే పుణ్యమైన
శరణాగత వజ్రపంజరుఁడవు నీవు
(॥కరు॥)
మన్నించేనంటే నిన్ను మానిపేవా రెవ్వరు
పన్ని కోపగించితే నీపట్టుకెదు రెవ్వరు
చెన్నుమీర నీపెట్టుజెట్లే జీవులెల్లాను
వన్నెగా నీసొమ్ము నీవువలసినట్టు సేయి
(॥కరు॥)
కాచేనంటే నిన్నుఁ గాదనేవా రెవ్వరు
ఏచి యాజ్ఞవెట్టేనంటే యిదేలనేవా రెవ్వరు
లాచి పెంపుడుగుఱ్ఱలు లలినీజీవులెల్లాను
చేచేత నీదాసులను సేసినట్టుసేయి
(॥కరు॥)
పరమిచ్చేనంటే నడ్డపడేవా రెవ్వరు
సరి నిహమిచ్చేనంటే సాధించేవా రెవ్వరు
సిరుల శ్రీవేంకటేశ చేతిలోవారము నీకు
హరి నీపాఁతవారమెట్టైనా దయసేయి
(||pallavi||)
karuṇānidhivi gaṭṭugo ye puṇyamaina
śharaṇāgada vajrabaṁjarum̐ḍavu nīvu
(||karu||)
manniṁchenaṁṭe ninnu mānibevā rĕvvaru
panni kobagiṁchide nībaṭṭugĕdu rĕvvaru
sĕnnumīra nībĕṭṭujĕṭle jīvulĕllānu
vannĕgā nīsŏmmu nīvuvalasinaṭṭu seyi
(||karu||)
kāsenaṁṭe ninnum̐ gādanevā rĕvvaru
esi yājñavĕṭṭenaṁṭe yidelanevā rĕvvaru
lāsi pĕṁpuḍuguṭralu lalinījīvulĕllānu
seseda nīdāsulanu sesinaṭṭuseyi
(||karu||)
paramichchenaṁṭe naḍḍabaḍevā rĕvvaru
sari nihamichchenaṁṭe sādhiṁchevā rĕvvaru
sirula śhrīveṁkaḍeśha sedilovāramu nīgu
hari nībām̐tavāramĕṭṭainā dayaseyi