కరుణానిధి నీవే కనుఁగొంచునున్నాఁడవు
(॥పల్లవి॥)
కరుణానిధి నీవే కనుఁగొంచునున్నాఁడవు
యిరవై నాలో నున్నాఁడ వేది గతి యిఁకను
(॥కరు॥)
పేరుచున్నవి నాలోనఁ బెక్కు వికారములు
వూరుచున్నవెన్నైనా వూహలెల్లాను
చేరుచున్నవొక్కొక్కటే సేనాసేనకోరికలు
యీరీతి నున్నాఁడ నాకు నేది గతి యిఁకను
(॥కరు॥)
పట్టుచున్నవి నానాప్రకృతుల వోజలు
పుట్టుచున్నవి యనేకభోగేచ్ఛలు
చుట్టుకొనుచున్నవి సులభపు వేడుకలు
యిట్టివి నానడతలు యేది గతి యిఁకను
(॥కరు॥)
సందడింపుచున్నవి సారెకు నా మమతలు
ముందువెనకై వున్నవి మోహాలెల్లా
చెందె నీపై భక్తి నేఁడు శ్రీవేంకటేశ్వర
యెందునూ నీవే కాక యేది గతి యిఁకను
(||pallavi||)
karuṇānidhi nīve kanum̐gŏṁchununnām̐ḍavu
yiravai nālo nunnām̐ḍa vedi gadi yim̐kanu
(||karu||)
perusunnavi nālonam̐ bĕkku vigāramulu
vūrusunnavĕnnainā vūhalĕllānu
serusunnavŏkkŏkkaḍe senāsenagorigalu
yīrīdi nunnām̐ḍa nāgu nedi gadi yim̐kanu
(||karu||)
paṭṭusunnavi nānāprakṛtula vojalu
puṭṭusunnavi yanegabhogechchhalu
suṭṭugŏnusunnavi sulabhabu veḍugalu
yiṭṭivi nānaḍadalu yedi gadi yim̐kanu
(||karu||)
saṁdaḍiṁpusunnavi sārĕgu nā mamadalu
muṁduvĕnagai vunnavi mohālĕllā
sĕṁdĕ nībai bhakti nem̐ḍu śhrīveṁkaḍeśhvara
yĕṁdunū nīve kāga yedi gadi yim̐kanu