కప్పురవిడె మియ్యఁగాఁ గాదనరాదు
(॥పల్లవి॥)
కప్పురవిడె మియ్యఁగాఁ గాదనరాదు
తప్పులేదు నీయందు తగిలితి నిన్నును
(॥కప్పు॥)
చెచ్చెర నీవు చేసినచేఁతలు వింటి నీవిందు
వచ్చెనని చెప్పగా వద్దనరాదు
యిచ్చకములాడేవారి నిటు రమ్మందురుగాన
విచ్చేయుమా యింటికిట్టె వింటిమి నీమాఁటలు
(॥కప్పు॥)
చెంగట నీసతిఁగంటి సిగ్గువడి అంతలో నా
కొంగువట్టగా నిన్నుఁ గోపించరాదు
ముంగిట వేఁడుకొంటేను మొగమోడుదురుగాన
అంగవించె రావయ్య అలుకలు దేరెను
(॥కప్పు॥)
యెంచుకొంటి నీగుణాలు యిందరఁజూడఁగా నా
కంచముపొత్తుకు రాఁగాఁ గాదనరాదు
అంచెల శ్రీవెంకటేశ అట్టె నన్నేలితిగాన
యించుకించుకె నవ్వెను యియ్యకొంటిసుద్దులు
(||pallavi||)
kappuraviḍĕ miyyam̐gām̐ gādanarādu
tappuledu nīyaṁdu tagilidi ninnunu
(||kappu||)
sĕchchĕra nīvu sesinasem̐talu viṁṭi nīviṁdu
vachchĕnani sĕppagā vaddanarādu
yichchagamulāḍevāri niḍu rammaṁdurugāna
vichcheyumā yiṁṭigiṭṭĕ viṁṭimi nīmām̐ṭalu
(||kappu||)
sĕṁgaḍa nīsadim̐gaṁṭi sigguvaḍi aṁtalo nā
kŏṁguvaṭṭagā ninnum̐ gobiṁcharādu
muṁgiḍa vem̐ḍugŏṁṭenu mŏgamoḍudurugāna
aṁgaviṁchĕ rāvayya alugalu derĕnu
(||kappu||)
yĕṁchugŏṁṭi nīguṇālu yiṁdaram̐jūḍam̐gā nā
kaṁchamubŏttugu rām̐gām̐ gādanarādu
aṁchĕla śhrīvĕṁkaḍeśha aṭṭĕ nannelidigāna
yiṁchugiṁchugĕ navvĕnu yiyyagŏṁṭisuddulu