(॥పల్లవి॥)
కనుమూసెఁ గదె దీని గరువంపుఁ దెలివి
చనుదోయి పైకొంగు జారిన నెఱుఁగదు
(॥కను॥)
తలకెక్కెఁగదె దీని తనువికారములు
పొలుపైన నెరులు కొప్పున జారెను
చలి ముంచెఁగదె దీని జవ్వనపు మదము
పులకజొంపములచేఁ బొరలెక్కె మేను
(॥కను॥)
వడదాఁకెఁగదె దీని వాల్ గన్నుఁగొనలు
చిడుముడి ముచ్చటతో సిగ్గువడీని
బడిదప్పెఁ గదె దీని పలుకుఁదేనియలు
తడఁబాటుతోడ చిత్తము దాఁచెనిపుడు
(॥కను॥)
కసరెక్కెఁగదె దీని కస్తూరి చెమట
అసలుఁ గుంకుమ తోడ నలరీని మేన
ఉసురెక్కెఁగదె దీని యొరుపు నూరుపుల
పొసఁగి వేంకటపతి పొందు దెలిపెడిని
(||pallavi||)
kanumūsĕm̐ gadĕ dīni garuvaṁpum̐ dĕlivi
sanudoyi paigŏṁgu jārina nĕṟum̐gadu
(||kanu||)
talagĕkkĕm̐gadĕ dīni tanuvigāramulu
pŏlubaina nĕrulu kŏppuna jārĕnu
sali muṁchĕm̐gadĕ dīni javvanabu madamu
pulagajŏṁpamulasem̐ bŏralĕkkĕ menu
(||kanu||)
vaḍadām̐kĕm̐gadĕ dīni vāl gannum̐gŏnalu
siḍumuḍi muchchaḍado sigguvaḍīni
baḍidappĕm̐ gadĕ dīni palugum̐deniyalu
taḍam̐bāḍudoḍa sittamu dām̐sĕnibuḍu
(||kanu||)
kasarĕkkĕm̐gadĕ dīni kastūri sĕmaḍa
asalum̐ guṁkuma toḍa nalarīni mena
usurĕkkĕm̐gadĕ dīni yŏrubu nūrubula
pŏsam̐gi veṁkaḍabadi pŏṁdu dĕlibĕḍini