(॥పల్లవి॥)
కనుఁగొని మొక్కరే కాంతలాల
వొనరి యిందరితోడ నున్నాఁడు దేవుఁడు
(॥కను॥)
చిప్పిల నదివో రతిచెమటలఁ దొప్పఁదోఁగి
కప్పురదూళి మేనఁ గడుఁజాతి
దప్పిదేరి చెంగలువదండల చప్పరములో
వుప్పతిల్ల వలపుల నోలలాడీ దేవుఁడు
(॥కను॥)
గుట్టున మిక్కిలిపెనఁగులాటనే యలసి
తట్టుపుణుఁగు మేన నంతటా నలఁది
వట్టివేళ్ళ సురట్ల వాసన సేదదేరి
వొట్టుకొని వేడుకల నోలలాడీ దేవుఁడు
(॥కను॥)
పలుమారు నవ్వులలో పంతములనే మెరసి
మెలుపున సొమ్ములెల్ల మేన ధరించి
అలమేలుమంగ నురమందుఁ గాఁగిలించుకొని
వొలిసి శ్రీవేంకటాద్రి నోలలాడీ దేవుఁడు
(||pallavi||)
kanum̐gŏni mŏkkare kāṁtalāla
vŏnari yiṁdaridoḍa nunnām̐ḍu devum̐ḍu
(||kanu||)
sippila nadivo radisĕmaḍalam̐ dŏppam̐dom̐gi
kappuradūḽi menam̐ gaḍum̐jādi
dappideri sĕṁgaluvadaṁḍala sapparamulo
vuppadilla valabula nolalāḍī devum̐ḍu
(||kanu||)
guṭṭuna mikkilibĕnam̐gulāḍane yalasi
taṭṭubuṇum̐gu mena naṁtaḍā nalam̐di
vaṭṭiveḽḽa suraṭla vāsana sedaderi
vŏṭṭugŏni veḍugala nolalāḍī devum̐ḍu
(||kanu||)
palumāru navvulalo paṁtamulane mĕrasi
mĕlubuna sŏmmulĕlla mena dhariṁchi
alamelumaṁga nuramaṁdum̐ gām̐giliṁchugŏni
vŏlisi śhrīveṁkaḍādri nolalāḍī devum̐ḍu