(॥పల్లవి॥)
కనుఁగొననిది హరికల్పితము
తనకు నిందులోఁ దగినంతే
(॥కనుఁ॥)
నానాభేదములు నరుల గుణంబులు
నానారుచులివి నవపదార్థములు
ఔననేదేది యటు గాదనేదేది
వానివాని విధి వలసినయట్టు
(॥కనుఁ॥)
నడచుఁ బ్రపంచము నడుపే విధముల
నడచు మాయ లెన్నఁగరావు
విడిచేటివేఁటివి విడువనివేఁటివి
పడఁగఁబడఁగ నవి పరచినయట్లు
(॥కనుఁ॥)
తెగని కర్మములు దేహధర్మములు
తెగని యాసలివె దినదినము
తగు శ్రీవేంకటదైవము దాసులు
నగుదు రిన్నిటిని నటనలు చూచి
(||pallavi||)
kanum̐gŏnanidi harigalbidamu
tanagu niṁdulom̐ daginaṁte
(||kanum̐||)
nānābhedamulu narula guṇaṁbulu
nānārusulivi navabadārdhamulu
aunanededi yaḍu gādanededi
vānivāni vidhi valasinayaṭṭu
(||kanum̐||)
naḍasum̐ brabaṁchamu naḍube vidhamula
naḍasu māya lĕnnam̐garāvu
viḍiseḍivem̐ṭivi viḍuvanivem̐ṭivi
paḍam̐gam̐baḍam̐ga navi parasinayaṭlu
(||kanum̐||)
tĕgani karmamulu dehadharmamulu
tĕgani yāsalivĕ dinadinamu
tagu śhrīveṁkaḍadaivamu dāsulu
nagudu rinniḍini naḍanalu sūsi