కన్నులపండుగలాయఁ గన్నవారి కిందరికి
(॥పల్లవి॥)
కన్నులపండుగలాయఁ గన్నవారి కిందరికి
వెన్నుఁ డేఁగీ నిల్లిదివో వీధుల వీధులను
(॥కన్ను॥)
అదె యెక్కెఁ దిరుతేరు అసురలు బెదరఁగ
త్రిదశులు చెలఁగఁగ దేవదేవుఁడు
కదలె బండికండ్లు ఘనమైన మ్రోఁతతోడ
వెదచల్లుఁ గాంతులతో వీధుల వీధులను
(॥కన్ను॥)
తోలి యాడీఁ దిరుతేరు దుష్టులెల్ల నణఁగఁగ
చాలుకొని శిష్టులెల్ల జయవెట్టఁగ
గాలికిఁ బడగలెల్లాఁ గడు నల్లాడఁగఁ జొచ్చె
వేలేటి పువుదండలతో వీధుల వీధులను
(॥కన్ను॥)
తావు చేరెఁ దిరుతేరు ధర్మములు నిలువఁగ
యీవల నలమేల్మంగ ఇచ్చగించఁగా
శ్రీవేంకటేశ్వరుఁడు శింగారాలు మెరసెను
వేవేలు విధముల వీధుల వీధులను
(||pallavi||)
kannulabaṁḍugalāyam̐ gannavāri kiṁdarigi
vĕnnum̐ ḍem̐gī nillidivo vīdhula vīdhulanu
(||kannu||)
adĕ yĕkkĕm̐ diruderu asuralu bĕdaram̐ga
tridaśhulu sĕlam̐gam̐ga devadevum̐ḍu
kadalĕ baṁḍigaṁḍlu ghanamaina mrom̐tadoḍa
vĕdasallum̐ gāṁtulado vīdhula vīdhulanu
(||kannu||)
toli yāḍīm̐ diruderu duṣhṭulĕlla naṇam̐gam̐ga
sālugŏni śhiṣhṭulĕlla jayavĕṭṭam̐ga
gāligim̐ baḍagalĕllām̐ gaḍu nallāḍam̐gam̐ jŏchchĕ
veleḍi puvudaṁḍalado vīdhula vīdhulanu
(||kannu||)
tāvu serĕm̐ diruderu dharmamulu niluvam̐ga
yīvala nalamelmaṁga ichchagiṁcham̐gā
śhrīveṁkaḍeśhvarum̐ḍu śhiṁgārālu mĕrasĕnu
vevelu vidhamula vīdhula vīdhulanu