(॥పల్లవి॥)
కన్నుల నీ సంతోసము గంటిమయ్యా
సన్నల నివెల్ల మాకు సారెఁ జూపవయ్యా
(॥॥)
సెలవుల నవ్వులు చెక్కిళ్ళు చెమటలు
కలిగెఁగా నేఁడు నీకుఁ గడుమేల్లయ్యా
మొలక కెంపులు మొవి, మోమున నిండుఁగళలు
తొలఁకీ నీ వన్నిన టాను దొడ్డవాఁడవయ్యా
(॥॥)
కడగన్నుల నిద్దుర కాయమునఁ బులకలు
తడఁబడీ నీకు నేఁడు తగునయ్యా
అడియాలాలు సందున నక్కుఁన జనులొత్తులు
ఆడరె జాణఁడవు నీ వౌదువయ్యా
(॥॥)
శిరసుపై సేసలు కురుల చెదరులును
పరగె నీయందు నేఁడు బాపురే యయ్యా
యిరవై శ్రీ వేంకటేశ యే నలమేలుమంగను
సరుగ నన్నేలితివి సరసుఁడవయ్యా
(||pallavi||)
kannula nī saṁtosamu gaṁṭimayyā
sannala nivĕlla māgu sārĕm̐ jūbavayyā
(||||)
sĕlavula navvulu sĕkkiḽḽu sĕmaḍalu
kaligĕm̐gā nem̐ḍu nīgum̐ gaḍumellayyā
mŏlaga kĕṁpulu mŏvi, momuna niṁḍum̐gaḽalu
tŏlam̐kī nī vannina ṭānu dŏḍḍavām̐ḍavayyā
(||||)
kaḍagannula niddura kāyamunam̐ bulagalu
taḍam̐baḍī nīgu nem̐ḍu tagunayyā
aḍiyālālu saṁduna nakkum̐na janulŏttulu
āḍarĕ jāṇam̐ḍavu nī vauduvayyā
(||||)
śhirasubai sesalu kurula sĕdarulunu
paragĕ nīyaṁdu nem̐ḍu bābure yayyā
yiravai śhrī veṁkaḍeśha ye nalamelumaṁganu
saruga nannelidivi sarasum̐ḍavayyā