(॥పల్లవి॥)
కన్నుల మొక్కేము నీకుఁ గడపరాయ నన్నుఁ
గన్నెనాఁడె యేలితివి కడపరాయ
(॥॥)
కందర్పగురుఁడ వోకడపరాయ మాకు
గంద మీయఁ గదవోయి కడపరాయా
కందము నీగుణములు కడపరాయా తొంటి-
కందువకు రాఁ గదోయి కడపరాయా
(॥॥)
కలువపూవుల వేసి కడపరాయా నేఁ
గలికి నంటా మెచ్చేవు కడపరాయా
కలకాలముఁ బాయకు కడపరాయా నీ-
కలపుకో లెరుఁగుదుఁ గడపరాయా
(॥॥)
గరిమ శ్రీ వేంకటాద్రి కడపరాయా నన్నుఁ
గరుణించి కూడితివి కడపరాయా
గరిమేలు నేరుతువు కడపరాయా నా-
గరువ మీడేర్చితివి కడపరాయా
(||pallavi||)
kannula mŏkkemu nīgum̐ gaḍabarāya nannum̐
gannĕnām̐ḍĕ yelidivi kaḍabarāya
(||||)
kaṁdarbagurum̐ḍa vogaḍabarāya māgu
gaṁda mīyam̐ gadavoyi kaḍabarāyā
kaṁdamu nīguṇamulu kaḍabarāyā tŏṁṭi-
kaṁduvagu rām̐ gadoyi kaḍabarāyā
(||||)
kaluvabūvula vesi kaḍabarāyā nem̐
galigi naṁṭā mĕchchevu kaḍabarāyā
kalagālamum̐ bāyagu kaḍabarāyā nī-
kalabugo lĕrum̐gudum̐ gaḍabarāyā
(||||)
garima śhrī veṁkaḍādri kaḍabarāyā nannum̐
garuṇiṁchi kūḍidivi kaḍabarāyā
garimelu neruduvu kaḍabarāyā nā-
garuva mīḍersidivi kaḍabarāyā