కన్నెపడుచుతో నేమి గయ్యాళించేవు
(॥పల్లవి॥)
కన్నెపడుచుతో నేమి గయ్యాళించేవు
అన్నిటా మచ్చికైతె నిన్నాపె మించ నోపదా
(॥కన్నె॥)
దివ్వెకు మానెవోనె పతిమఁ జూచి ముద్దరాలు
యెవ్వతో వున్న దని యిదె కొంకీని
నవ్వు లేమి నవ్వేవు నాలికాఁడ చెయివట్టి
జవ్వనిఁ దియ్యరాదా చలివాయను
(॥కన్నె॥)
పొదిగి పాదాలు గుద్దే బొమ్మఁ జూచి గోలయై
అదెవ్వతో వున్న దని అండు కాచీని
యిదేమి వేడుక చూచే వెమ్మె కాఁడ కొంగువట్టి
కదియఁ దియ్యఁగ రాదా కళ రేఁగను
(॥కన్నె॥)
చేయంటి సురటి వీచే చేఁతాళపు రూప్ప చూచి
పాయని దెవ్వతో యని బాల లోఁగీని
కాయజకేలిని శ్రీవెంకటనాథ కూడితివి
ఆయెడ న న్నింద నిల్పి యతి మోదమునను.
(||pallavi||)
kannĕbaḍusudo nemi gayyāḽiṁchevu
anniḍā machchigaidĕ ninnābĕ miṁcha nobadā
(||kannĕ||)
divvĕgu mānĕvonĕ padimam̐ jūsi muddarālu
yĕvvado vunna dani yidĕ kŏṁkīni
navvu lemi navvevu nāligām̐ḍa sĕyivaṭṭi
javvanim̐ diyyarādā salivāyanu
(||kannĕ||)
pŏdigi pādālu gudde bŏmmam̐ jūsi golayai
adĕvvado vunna dani aṁḍu kāsīni
yidemi veḍuga sūse vĕmmĕ kām̐ḍa kŏṁguvaṭṭi
kadiyam̐ diyyam̐ga rādā kaḽa rem̐ganu
(||kannĕ||)
seyaṁṭi suraḍi vīse sem̐tāḽabu rūppa sūsi
pāyani dĕvvado yani bāla lom̐gīni
kāyajagelini śhrīvĕṁkaḍanātha kūḍidivi
āyĕḍa na nniṁda nilbi yadi modamunanu.