కన్నె ముద్దరాలు నీతో గట్టివాయితనముదా
(॥పల్లవి॥)
కన్నె ముద్దరాలు నీతో గట్టివాయితనముదా
సన్నల చాయలనేచలపాదిఁ జేతురా
(॥కన్నె॥)
సిగ్గుపడి లోలోనే శిరసు వంచుకోఁగానే
వెగ్గళించి చెలినేల వేఁడుకోనేవు
వొగ్గుచుఁ జేతుల సారె నొడ్డుకొంటాఁ దిట్టఁగానే
బగ్గనఁబోఁకముడివట్టి విడిచేవు
(॥కన్నె॥)
మొక్కుచుఁ బయ్యదకొంగు ముసుఁగువెట్టుకోఁగానే
గుక్కకచన్నులమీదగోర గీరేవు
పక్కన నీదువురము పాదమునఁ జిమ్మఁగానే
అక్కున నదిమి సతిఅయా అంటేవు
(॥కన్నె॥)
అద్దలించిజంకించి అనలెల్లాఁ బెట్టఁగాను
వుద్దండాన మోవిఁగెంపు లొనరించేవు
సుద్దుల శ్రీవేంకటేశ సుదతిఁ గూడితి నిట్టె
కొద్దిమీరఁగూడినానుకోరికఁ దనియవు
(||pallavi||)
kannĕ muddarālu nīdo gaṭṭivāyidanamudā
sannala sāyalanesalabādim̐ jedurā
(||kannĕ||)
siggubaḍi lolone śhirasu vaṁchugom̐gāne
vĕggaḽiṁchi sĕlinela vem̐ḍugonevu
vŏggusum̐ jedula sārĕ nŏḍḍugŏṁṭām̐ diṭṭam̐gāne
bagganam̐bom̐kamuḍivaṭṭi viḍisevu
(||kannĕ||)
mŏkkusum̐ bayyadagŏṁgu musum̐guvĕṭṭugom̐gāne
gukkagasannulamīdagora gīrevu
pakkana nīduvuramu pādamunam̐ jimmam̐gāne
akkuna nadimi sadiayā aṁṭevu
(||kannĕ||)
addaliṁchijaṁkiṁchi analĕllām̐ bĕṭṭam̐gānu
vuddaṁḍāna movim̐gĕṁpu lŏnariṁchevu
suddula śhrīveṁkaḍeśha sudadim̐ gūḍidi niṭṭĕ
kŏddimīram̐gūḍinānugorigam̐ daniyavu