కన్నవిన్నవారెల్లా కాకు సేయరా
(॥పల్లవి॥)
కన్నవిన్నవారెల్లా కాకు సేయరా
వున్నతుఁడవైన నీకీ వొచ్చములేలయ్యా
(॥కన్న॥)
దేవతలఁ గాచినట్టి దేవుఁడ నీకుఁ బసుల
నీవలఁ గాచితివనే హీనమేలా
కావించి పాలజలధిఁ గాఁపురముండినయట్టి-
నీవు పాలదొంగవనే నింద నీకేలయ్యా
(॥కన్న॥)
కాలమందు బలి దైత్యుఁ గట్టివేసినట్టి నీకు
రోలఁ గట్టువడినట్టి రోఁత నీ కేల
పోలించి లోకాలకెల్ల పొడవైన దేవుఁడవు
బాలుఁడవై రేపల్లెలోఁ బారాడనేలయ్యా
(॥కన్న॥)
పాముమీఁదఁ బవ్వళించి పాయకుండినట్టి నీకు
పాముతల దొక్కినట్టి పగలేలా
కామించి శ్రీవేంకటాద్రి కడపరాయఁడ నీవు
భూమి మాయలణఁచి నేర్పుల మాయలేలయ్యా
(||pallavi||)
kannavinnavārĕllā kāgu seyarā
vunnadum̐ḍavaina nīgī vŏchchamulelayyā
(||kanna||)
devadalam̐ gāsinaṭṭi devum̐ḍa nīgum̐ basula
nīvalam̐ gāsidivane hīnamelā
kāviṁchi pālajaladhim̐ gām̐puramuṁḍinayaṭṭi-
nīvu pāladŏṁgavane niṁda nīgelayyā
(||kanna||)
kālamaṁdu bali daityum̐ gaṭṭivesinaṭṭi nīgu
rolam̐ gaṭṭuvaḍinaṭṭi rom̐ta nī kela
poliṁchi logālagĕlla pŏḍavaina devum̐ḍavu
bālum̐ḍavai reballĕlom̐ bārāḍanelayyā
(||kanna||)
pāmumīm̐dam̐ bavvaḽiṁchi pāyaguṁḍinaṭṭi nīgu
pāmudala dŏkkinaṭṭi pagalelā
kāmiṁchi śhrīveṁkaḍādri kaḍabarāyam̐ḍa nīvu
bhūmi māyalaṇam̐si nerbula māyalelayyā