కన్నదేఁటిదో విన్నదేఁటిదో కాఁగలదిఁక నేదో
(॥పల్లవి॥)
కన్నదేఁటిదో విన్నదేఁటిదో కాఁగలదిఁక నేదో
నన్నుం గానను నిన్నుం గానను నడుము బట్టబయలు
(॥కన్న॥)
నీమాయమహిమో నే నేరని కడమో
భూమిలోన నీవున్నాఁడవు నా పుట్టుగులుఁ గలవు
యేమి గాఁగలనో యింకా మీఁదట నిటకతొల్లి యేమైతినో
సోమార్కుల వుదయాస్తమయంబులు చూచుచునున్నాఁడను నేను
(॥కన్న॥)
జ్ఞానము నీవో అజ్ఞానంబే బలువో
నీనామంబులు అనంతకోట్లు నిలుకడగాఁ గాను
కానఁగల యీ ప్రపంచమెల్లా కలయో యిది నిజమో
కానరాని యీ ముక్కున నూర్పులు కాలముఁ గొలచేటి కుంచములు
(॥కన్న॥)
నీకు నీవే నను దయ దలఁచితివో నేనాచార్యుని నమ్మితినో
కైకొని నాయంతర్యామివి నినుఁ గంటినిపుడే నేను
శ్రీకాంతుఁడవో శ్రీవేంకటేశ్వర శ్రీవైకుంఠమే యీజగము
యేకడ చూచిన నీదాసులు నాయెదుటనే వున్నారు
(||pallavi||)
kannadem̐ṭido vinnadem̐ṭido kām̐galadim̐ka nedo
nannuṁ gānanu ninnuṁ gānanu naḍumu baṭṭabayalu
(||kanna||)
nīmāyamahimo ne nerani kaḍamo
bhūmilona nīvunnām̐ḍavu nā puṭṭugulum̐ galavu
yemi gām̐galano yiṁkā mīm̐daḍa niḍagadŏlli yemaidino
somārgula vudayāstamayaṁbulu sūsusununnām̐ḍanu nenu
(||kanna||)
jñānamu nīvo ajñānaṁbe baluvo
nīnāmaṁbulu anaṁtagoṭlu nilugaḍagām̐ gānu
kānam̐gala yī prabaṁchamĕllā kalayo yidi nijamo
kānarāni yī mukkuna nūrbulu kālamum̐ gŏlaseḍi kuṁchamulu
(||kanna||)
nīgu nīve nanu daya dalam̐sidivo nenāsāryuni nammidino
kaigŏni nāyaṁtaryāmivi ninum̐ gaṁṭinibuḍe nenu
śhrīgāṁtum̐ḍavo śhrīveṁkaḍeśhvara śhrīvaiguṁṭhame yījagamu
yegaḍa sūsina nīdāsulu nāyĕduḍane vunnāru