(॥పల్లవి॥)
కనియుండి భ్రమసితిఁ గట్టా నేను
యెనలేక గురియైతి నిట్టే నేను
(॥కని॥)
తోలునెముకలు గట్టి దొరనంటా మురిసేను
అలుబిడ్డల మరఁగు ఆహా నేను
గాలి యాటించుకొని కాలములు గడపేను
వోలిఁ బుణ్యపాపమందు వోహో నేను
(॥కని॥)
మంటివంక బదుకుతా మదియించి మురిసేను
ఇంటిముంగిటనే వుండి యీహీ నేను
వొంటివాఁడనై వుండి వూరఁగలవెల్లాఁ గోరే
వొంటిన యాసల తోడ నూహూ నేను
(॥కని॥)
నూలికోకఁ గట్టువడి నున్ననై నే మురిసేను
యీలాగు నాబదుకెల్ల యేహే నేను
పాలించి శ్రీవేంకటాద్రిపతి నాకుఁ గలుగఁగ
ఆలరినై గెలిచితి హైహై నేను
(||pallavi||)
kaniyuṁḍi bhramasidim̐ gaṭṭā nenu
yĕnalega guriyaidi niṭṭe nenu
(||kani||)
tolunĕmugalu gaṭṭi dŏranaṁṭā murisenu
alubiḍḍala maram̐gu āhā nenu
gāli yāḍiṁchugŏni kālamulu gaḍabenu
volim̐ buṇyabābamaṁdu voho nenu
(||kani||)
maṁṭivaṁka badugudā madiyiṁchi murisenu
iṁṭimuṁgiḍane vuṁḍi yīhī nenu
vŏṁṭivām̐ḍanai vuṁḍi vūram̐galavĕllām̐ gore
vŏṁṭina yāsala toḍa nūhū nenu
(||kani||)
nūligogam̐ gaṭṭuvaḍi nunnanai ne murisenu
yīlāgu nābadugĕlla yehe nenu
pāliṁchi śhrīveṁkaḍādribadi nāgum̐ galugam̐ga
ālarinai gĕlisidi haihai nenu