కనియుఁ గానరు నీమహిమ కౌరవకంసజరాసంధాదులు
(॥పల్లవి॥)
కనియుఁ గానరు నీమహిమ కౌరవకంసజరాసంధాదులు
మనుజులు దనుజులఁ జంపిరనఁగ విని మరి నీశరణము చొరవలదా
(॥కని॥)
పుక్కిటనే లోకములు చూపితి పూతకి చన్నటు దాగితివి
పక్కననే బండి దన్ని విరిచితివి బాలులు సేసేటి పనులివియా
అక్కరతో తృణావర్తు నణఁచితివి ఆఁబోతుల కీటణఁచితివి
చిక్కించి యనలము చేత మింగితి శిశువులు సేసేటి పనులివియా
(॥కని॥)
తొడిఁబడ మద్దులు భువిపై గూలఁగదొబ్బి యఘాసురుఁ జంపితివి
బడినే గోవర్ధనగిరి యెత్తితి పడుచులు సేసేటి పనులివియా
అడరి బ్రహ్మమాయకుఁ బ్రతిమాయలు అట్టే గడించి నిలిచితివి
పిడికిట చాణూరు నేనుగఁ గొట్టితి పిన్నలు సేసేటి పనులివియా
(॥కని॥)
కాళింగుని మద మణఁచి దవ్వుగా కడగడలకుఁ బోఁజోఁపితివి
గోలవై యజ్ఞఫలము లిచ్చితివి గోవాళు సేసేటి పనులివియా
యీలీల శ్రీవేంకటాద్రిమీఁదనే యిందరికిని పొడచూపితివి
బేలుదనంబుల నెంచిచూడ పసిబిడ్డలు సేసేటి పనులివియా
(||pallavi||)
kaniyum̐ gānaru nīmahima kauravagaṁsajarāsaṁdhādulu
manujulu danujulam̐ jaṁpiranam̐ga vini mari nīśharaṇamu sŏravaladā
(||kani||)
pukkiḍane logamulu sūbidi pūdagi sannaḍu dāgidivi
pakkanane baṁḍi danni virisidivi bālulu seseḍi panuliviyā
akkarado tṛṇāvardu naṇam̐sidivi ām̐bodula kīḍaṇam̐sidivi
sikkiṁchi yanalamu seda miṁgidi śhiśhuvulu seseḍi panuliviyā
(||kani||)
tŏḍim̐baḍa maddulu bhuvibai gūlam̐gadŏbbi yaghāsurum̐ jaṁpidivi
baḍine govardhanagiri yĕttidi paḍusulu seseḍi panuliviyā
aḍari brahmamāyagum̐ bradimāyalu aṭṭe gaḍiṁchi nilisidivi
piḍigiḍa sāṇūru nenugam̐ gŏṭṭidi pinnalu seseḍi panuliviyā
(||kani||)
kāḽiṁguni mada maṇam̐si davvugā kaḍagaḍalagum̐ bom̐jom̐pidivi
golavai yajñaphalamu lichchidivi govāḽu seseḍi panuliviyā
yīlīla śhrīveṁkaḍādrimīm̐dane yiṁdarigini pŏḍasūbidivi
beludanaṁbula nĕṁchisūḍa pasibiḍḍalu seseḍi panuliviyā