(॥పల్లవి॥)
కనియు గానని మనసు కడమ గాక
యెనలేని హరిమహిమ కిది గుఱుతుగాదా
(॥కని॥)
కనుకలిగి హరిగొలిచి ఘనులైరిగాక మును
మునుజులే కారా మహరుషులును
మనసులో నిపుడైన మరిగి కొలిచినవారు
ఘనులౌట కిదియ నిక్కపు గుఱుతుగాదా
(॥కని॥)
భావించి హరిఁగొలిచి పదవులందిరిగాక
జీవులే కారా దేవతలును
కావించి కొలిచినను ఘనపదవు లేమరుదు
యేవలన నిందిరికి నిది గుఱుతుగాదా
(॥కని॥)
పన్ని హరిఁగొలిచి నేర్పరులైరి గాక ధర-
నున్నవారే కారా యోగివరులు
యెన్నికల శ్రీవేంకటేశు నమ్మినవార
లిన్నియునుఁ జేకొనుట కిది గుఱుతుగాదా
(||pallavi||)
kaniyu gānani manasu kaḍama gāga
yĕnaleni harimahima kidi guṟudugādā
(||kani||)
kanugaligi harigŏlisi ghanulairigāga munu
munujule kārā maharuṣhulunu
manasulo nibuḍaina marigi kŏlisinavāru
ghanulauḍa kidiya nikkabu guṟudugādā
(||kani||)
bhāviṁchi harim̐gŏlisi padavulaṁdirigāga
jīvule kārā devadalunu
kāviṁchi kŏlisinanu ghanabadavu lemarudu
yevalana niṁdirigi nidi guṟudugādā
(||kani||)
panni harim̐gŏlisi nerbarulairi gāga dhara-
nunnavāre kārā yogivarulu
yĕnnigala śhrīveṁkaḍeśhu namminavāra
linniyunum̐ jegŏnuḍa kidi guṟudugādā