కనియెడి దిదియే వినియెడి దిదియే కడలఁ జదివెడి దిదియపో
(॥పల్లవి॥)
కనియెడి దిదియే వినియెడి దిదియే కడలఁ జదివెడి దిదియపో
నినుపు నీరై సర్వజగముల నిలిచె శ్రీహరిమాయ
(॥కనియెడి॥)
తలఁపు నొక్కటే తాను నొక్కఁడే దైవ మొక్కఁడే పో
కలిసి పెక్కుముఖంబులై లోకంబు దోఁచెనేని
తెలియఁ జిల్లుల కడవ లోపలి దీపమువలెనే
అలరి వెలిఁగెడి చూడఁజూడఁగ హరిప్రపంచపుమాయ
(॥కనియెడి॥)
దేహ మొక్కటే జీవుఁ డొక్కఁడే దినము నొక్కటేపో
మోహ జాగ్రత్స్వప్ననిద్రలు మొనపె భేదములై
వూహఁ బెక్కులయద్దముల చంద్రోదయమువలెను
సాహసంబున భ్రమలఁబెట్టెడి చదల నిదె హరిమాయ
(॥కనియెడి॥)
గురువు నొక్కఁడే మంత్ర మొక్కటే కొలువు నొక్కటేపో
అరయ భక్తియ వేరు వేరై యలరుచున్న దిదే
గరిమ శ్రీవేంకటగిరీశ్వరు కల్పితమువలెనే
వెరసి వారికి వారికే ఇది వింతవో హరిమాయ
(||pallavi||)
kaniyĕḍi didiye viniyĕḍi didiye kaḍalam̐ jadivĕḍi didiyabo
ninubu nīrai sarvajagamula nilisĕ śhrīharimāya
(||kaniyĕḍi||)
talam̐pu nŏkkaḍe tānu nŏkkam̐ḍe daiva mŏkkam̐ḍe po
kalisi pĕkkumukhaṁbulai logaṁbu dom̐sĕneni
tĕliyam̐ jillula kaḍava lobali dībamuvalĕne
alari vĕlim̐gĕḍi sūḍam̐jūḍam̐ga hariprabaṁchabumāya
(||kaniyĕḍi||)
deha mŏkkaḍe jīvum̐ ḍŏkkam̐ḍe dinamu nŏkkaḍebo
moha jāgratsvapnanidralu mŏnabĕ bhedamulai
vūham̐ bĕkkulayaddamula saṁdrodayamuvalĕnu
sāhasaṁbuna bhramalam̐bĕṭṭĕḍi sadala nidĕ harimāya
(||kaniyĕḍi||)
guruvu nŏkkam̐ḍe maṁtra mŏkkaḍe kŏluvu nŏkkaḍebo
araya bhaktiya veru verai yalarusunna dide
garima śhrīveṁkaḍagirīśhvaru kalbidamuvalĕne
vĕrasi vārigi vārige idi viṁtavo harimāya