(॥పల్లవి॥)
కని గుడ్డును నదె విని చెవుడును నిదె
ననిచి జగత్తు నడచీనదివో
(॥కని॥)
వుదయాస్తమయము లొకదినముననే
యెదుటనె వున్నవి యెంచినను
యిదివో జీవులు యెంచక తమతమ-
బ్రదుకులు సతమని భ్రమసెదరు
(॥కని॥)
వెలుఁగును జీఁకటి వెసఁ గనుఁగొనలనె
నిలిచీ నూరక నిమిషములో
కలవలెనుండిన గతి సంసారము
బలువుగ సతమని భ్రమసెదరు
(॥కని॥)
కాంతలుఁ బురుషులు కాయ మొక్కటనె
పొంతనే పుట్టుచుఁ బొదలెదరు
యింతయు శ్రీవేంకటేశ్వరు మహిమలఁ
పంతము దెలియక భ్రమసెదరు
(||pallavi||)
kani guḍḍunu nadĕ vini sĕvuḍunu nidĕ
nanisi jagattu naḍasīnadivo
(||kani||)
vudayāstamayamu lŏgadinamunane
yĕduḍanĕ vunnavi yĕṁchinanu
yidivo jīvulu yĕṁchaga tamadama-
bradugulu sadamani bhramasĕdaru
(||kani||)
vĕlum̐gunu jīm̐kaḍi vĕsam̐ ganum̐gŏnalanĕ
nilisī nūraga nimiṣhamulo
kalavalĕnuṁḍina gadi saṁsāramu
baluvuga sadamani bhramasĕdaru
(||kani||)
kāṁtalum̐ buruṣhulu kāya mŏkkaḍanĕ
pŏṁtane puṭṭusum̐ bŏdalĕdaru
yiṁtayu śhrīveṁkaḍeśhvaru mahimalam̐
paṁtamu dĕliyaga bhramasĕdaru