కంటిరా వో జనులాల కరుణానిధి యితఁడు
(॥పల్లవి॥)
కంటిరా వో జనులాల కరుణానిధి యితఁడు
జంట లక్ష్మీదేవితోడ సరుస నున్నాఁడు
(॥కంటి॥)
వాఁడివో ప్రతాపసుగ్రీవ నరసింహు డట్టె
మూఁడుమూర్తు లొకరూపై ముంచివున్నాఁడు
వేఁడి రక్కసులనెల్ల విదళించి వేసినాఁడు
పోఁడిమి సురలఁ గాచీ భువనాధీశుఁడు
(॥కంటి॥)
ఇరవైన రవిచంద్రు లితని కన్ను లివిగో
ధరణి ననంతవేదము లూర్పులు
అరుదై చెలఁగె బ్రహ్మాండ మీతని నెలవు
నిరతి సనకాదులు నిత్యసేవకులు
(॥కంటి॥)
ఘన మైన శంఖుచక్రములతో మెరసీని
మనిపె ప్రహ్లాదుని మన్నించె నిదె
యెనలేని శ్రీవేంకటేశుఁడై వున్నవాఁడు
అనిశము సకలాంతరాత్మ తానైనాఁడు
(||pallavi||)
kaṁṭirā vo janulāla karuṇānidhi yidam̐ḍu
jaṁṭa lakṣhmīdevidoḍa sarusa nunnām̐ḍu
(||kaṁṭi||)
vām̐ḍivo pradābasugrīva narasiṁhu ḍaṭṭĕ
mūm̐ḍumūrdu lŏgarūbai muṁchivunnām̐ḍu
vem̐ḍi rakkasulanĕlla vidaḽiṁchi vesinām̐ḍu
pom̐ḍimi suralam̐ gāsī bhuvanādhīśhum̐ḍu
(||kaṁṭi||)
iravaina ravisaṁdru lidani kannu livigo
dharaṇi nanaṁtavedamu lūrbulu
arudai sĕlam̐gĕ brahmāṁḍa mīdani nĕlavu
niradi sanagādulu nityasevagulu
(||kaṁṭi||)
ghana maina śhaṁkhusakramulado mĕrasīni
manibĕ prahlāduni manniṁchĕ nidĕ
yĕnaleni śhrīveṁkaḍeśhum̐ḍai vunnavām̐ḍu
aniśhamu sagalāṁtarātma tānainām̐ḍu