కంటిరా వింటిరా కమలనాభుని శక్తి
(॥పల్లవి॥)
కంటిరా వింటిరా కమలనాభుని శక్తి
వొంటి నితని శరణ మొకటే వుపాయము
(॥కంటి॥)
యీతని నాభిఁ బొడమె యెక్కువైన బ్రహ్మయు
యీతఁడే రక్షించినాఁడు యింద్రాదుల
యీతఁడాకుమీఁదఁ దేలె నేకార్ణవమునాఁడు
యీతఁడే పో హరి మనకిందరికి దైవము
(॥కంటి॥)
యీతఁడే యసురబాధ లిన్నియుఁ బరిహరించె-
నీతని మూఁడడుగులే యీ లోకాలు
యీతఁడే మూలమంటే నేతెంచి కరిఁ గాచె
నీతనికంటే వేల్పు లిఁక మరి కలరా
(॥కంటి॥)
యీతఁడే వైకుంఠనాథుఁ దీతఁడే రమానాథుఁ-
డీతఁడే వేదోక్తదైవ మిన్నిటాఁ దానె
యీతఁడే అంతర్యామి యీ చరాచరములకు
నీతఁడే శ్రీవేంకటేశుఁ డిహపరధనము
(||pallavi||)
kaṁṭirā viṁṭirā kamalanābhuni śhakti
vŏṁṭi nidani śharaṇa mŏgaḍe vubāyamu
(||kaṁṭi||)
yīdani nābhim̐ bŏḍamĕ yĕkkuvaina brahmayu
yīdam̐ḍe rakṣhiṁchinām̐ḍu yiṁdrādula
yīdam̐ḍāgumīm̐dam̐ delĕ negārṇavamunām̐ḍu
yīdam̐ḍe po hari managiṁdarigi daivamu
(||kaṁṭi||)
yīdam̐ḍe yasurabādha linniyum̐ barihariṁchĕ-
nīdani mūm̐ḍaḍugule yī logālu
yīdam̐ḍe mūlamaṁṭe nedĕṁchi karim̐ gāsĕ
nīdanigaṁṭe velbu lim̐ka mari kalarā
(||kaṁṭi||)
yīdam̐ḍe vaiguṁṭhanāthum̐ dīdam̐ḍe ramānāthum̐-
ḍīdam̐ḍe vedoktadaiva minniḍām̐ dānĕ
yīdam̐ḍe aṁtaryāmi yī sarāsaramulagu
nīdam̐ḍe śhrīveṁkaḍeśhum̐ ḍihabaradhanamu