కంటిఁగంటి వీఁడివో కని కృతార్థుఁడనైతి
(॥పల్లవి॥)
కంటిఁగంటి వీఁడివో కని కృతార్థుఁడనైతి
వింటి నిందరిచేతా నీ విట్ఠలేశు సుద్దులు
(॥కంటి॥)
యీతఁడా గోవర్ధనమెత్తిన పసిబాలుఁడు
కాతరీఁ డీతఁడా గోపికా వల్లభుఁడు
పూతన నీతఁడా పట్టి పొరిగొన్నయట్టివాఁడు
చేత గచ్చకాయలాడీ శ్రీ విట్ఠలేశుఁడు
(॥కంటి॥)
యీ దేవుఁడా కుచేలుని కిష్ట సంపదిచ్చినాఁడు
పోదిగొని యీ దేవుఁడా భూభార మడఁచినాఁడు
వేదమయుఁ డీ దేవుఁడా విశ్వరూపు చూపినాఁడు
సేదదేరీ మహిమల శ్రీ విట్ఠలేశుఁడు
(॥కంటి॥)
యీ మూరితా పాండురంగ మిరవై వుండినవాఁడు
కామించీ మూరితి శ్రీ వేంకటగిరి నున్నవాఁడు
దోమటి నీమూరితే యాధ్యులుపాట మెచ్చినాఁడు
క్షేమముతో వరాలిచ్చీ శ్రీ విట్ఠలేశుఁడు
(||pallavi||)
kaṁṭim̐gaṁṭi vīm̐ḍivo kani kṛtārdhum̐ḍanaidi
viṁṭi niṁdarisedā nī viṭṭhaleśhu suddulu
(||kaṁṭi||)
yīdam̐ḍā govardhanamĕttina pasibālum̐ḍu
kādarīm̐ ḍīdam̐ḍā gobigā vallabhum̐ḍu
pūdana nīdam̐ḍā paṭṭi pŏrigŏnnayaṭṭivām̐ḍu
seda gachchagāyalāḍī śhrī viṭṭhaleśhum̐ḍu
(||kaṁṭi||)
yī devum̐ḍā kuseluni kiṣhṭa saṁpadichchinām̐ḍu
podigŏni yī devum̐ḍā bhūbhāra maḍam̐sinām̐ḍu
vedamayum̐ ḍī devum̐ḍā viśhvarūbu sūbinām̐ḍu
sedaderī mahimala śhrī viṭṭhaleśhum̐ḍu
(||kaṁṭi||)
yī mūridā pāṁḍuraṁga miravai vuṁḍinavām̐ḍu
kāmiṁchī mūridi śhrī veṁkaḍagiri nunnavām̐ḍu
domaḍi nīmūride yādhyulubāḍa mĕchchinām̐ḍu
kṣhemamudo varālichchī śhrī viṭṭhaleśhum̐ḍu