కంటి నిదే యర్థము ఘనశాస్త్రములు దవ్వి
(॥పల్లవి॥)
కంటి నిదే యర్థము ఘనశాస్త్రములు దవ్వి
నంటున నిందుకంటెను నాణె మెందూ లేదు
(॥కంటి॥)
మేఁటివైరాగ్యముకంటే మిక్కిలి లాభము లేదు
గాఁటపువిజ్ఞానముకంటే సుఖము లేదు
మీఁటైనగురువుకంటే మీఁద రక్షకుఁడు లేఁడు
బాటసంసారముకంటే పగ లేదు
(॥కంటి॥)
పరపీడ సేయుకంటే పాపము మరెందు లేదు
పరోపకారముకంటే బహుపుణ్యము లేదు
నిరతశాంతముకంటే నిజధర్మ మెందు లేదు
హరిదాసుడౌకంటే నట గతి లేదు
(॥కంటి॥)
కర్మసంగము మానుకంటే దేజము లేదు
అర్మిలిఁ గోరికమానేయంతకంటే బుద్ధి లేదు
ధర్మపుశ్రీవేంకటేశుఁ దగిలి శరణుచొచ్చి
నిర్మలాన నుండుకంటే నిశ్చయము లేదు
(||pallavi||)
kaṁṭi nide yardhamu ghanaśhāstramulu davvi
naṁṭuna niṁdugaṁṭĕnu nāṇĕ mĕṁdū ledu
(||kaṁṭi||)
mem̐ṭivairāgyamugaṁṭe mikkili lābhamu ledu
gām̐ṭabuvijñānamugaṁṭe sukhamu ledu
mīm̐ṭainaguruvugaṁṭe mīm̐da rakṣhagum̐ḍu lem̐ḍu
bāḍasaṁsāramugaṁṭe paga ledu
(||kaṁṭi||)
parabīḍa seyugaṁṭe pābamu marĕṁdu ledu
parobagāramugaṁṭe bahubuṇyamu ledu
niradaśhāṁtamugaṁṭe nijadharma mĕṁdu ledu
haridāsuḍaugaṁṭe naḍa gadi ledu
(||kaṁṭi||)
karmasaṁgamu mānugaṁṭe dejamu ledu
armilim̐ gorigamāneyaṁtagaṁṭe buddhi ledu
dharmabuśhrīveṁkaḍeśhum̐ dagili śharaṇusŏchchi
nirmalāna nuṁḍugaṁṭe niśhchayamu ledu