కంటి నే నంతలోఁ గడల మీ భావము
(॥పల్లవి॥)
కంటి నే నంతలోఁ గడల మీ భావము
దంటలగు మీర లిద్దరు జాణలే
(॥కంటి॥)
పెడమరలి అటుచూచి పెదవులనె నినుఁ దిట్టి
పడఁతి మరలెను నీవు పై కొనినను
గొడఁగుచును బొమ్మలనె గొబ్బుననుఁ గోపించి
అడఁగి తలవంచె నీ వపు డేమి సేసితో
(॥కంటి॥)
తళుకునను నిన్నుఁ గనుఁదమ్ములనె జంకించి
బెళకి నిలిచెను నీవు పేరుకొనఁగ
వులికిపడి నిన్ను నిట్టూర్పులనె కడుఁ గసరి
చెలుల మొరఁగెను నీవు చెనకఁగాను
(॥కంటి॥)
కొమ్మ కాఁగిటఁ గూడి కొనగోర నిను నడిమి
వుమ్మడిఁ గమ్మరఁ దానె వూరకుండి
చిమ్ములఁ బూఁబొదరింట శ్రీవెంకటేశ్వరుఁడ
నెమ్మది నుంటిరి కళలునిండె మోమునను
(||pallavi||)
kaṁṭi ne naṁtalom̐ gaḍala mī bhāvamu
daṁṭalagu mīra liddaru jāṇale
(||kaṁṭi||)
pĕḍamarali aḍusūsi pĕdavulanĕ ninum̐ diṭṭi
paḍam̐ti maralĕnu nīvu pai kŏninanu
gŏḍam̐gusunu bŏmmalanĕ gŏbbunanum̐ gobiṁchi
aḍam̐gi talavaṁchĕ nī vabu ḍemi sesido
(||kaṁṭi||)
taḽugunanu ninnum̐ ganum̐dammulanĕ jaṁkiṁchi
bĕḽagi nilisĕnu nīvu perugŏnam̐ga
vuligibaḍi ninnu niṭṭūrbulanĕ kaḍum̐ gasari
sĕlula mŏram̐gĕnu nīvu sĕnagam̐gānu
(||kaṁṭi||)
kŏmma kām̐giḍam̐ gūḍi kŏnagora ninu naḍimi
vummaḍim̐ gammaram̐ dānĕ vūraguṁḍi
simmulam̐ būm̐bŏdariṁṭa śhrīvĕṁkaḍeśhvarum̐ḍa
nĕmmadi nuṁṭiri kaḽaluniṁḍĕ momunanu